Salina

Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.

Iste articlo trata sobre as salinas que son puestos en os que se i espleita la sal. Ta altros emplegos se veiga Salinas (desambigación).

Saleras d'o Laco Rosa (Senegal).

Salina u salera ye o puesto an se treballa con l'augua salada ta conseguir-ne a sal. En Aragón bi ha a lo menos quatre lugars con iste nombre:

• Salinas de Bielsa, en o municipio de Bielsa.
• Salinas de Chaca, en o municipio d'As Penyas de Riglos.
• Salinas de Sin, en o municipio de Tella-Sin.
• Salinas de Trillo, en o municipio d'A Fueba.

Totas as salinas d'Aragón son de fuents d'interior, peró existen tamién en a costa aproveitando l'augua d'a mar.

Nomenclatura

A producción de sal en salinas tien una terminolochía especifica. Como amostra, en Salinera de Naval (comarca d'o Semontano de Balbastro, Huesca), activa de primavera a agüerro, s'emplegan os siguients vocablos:

• era: superficie horizontal zarrada con muretz que s'emplena d'augua salada, an se-bi precipita a sal por evaporación;
• flor: piedras de sal que se forman por concentración y que flotan en as eras;
• retradero: instrumento con mango luengo y forma de rastrillo y que s'usa ta remover as eras con o fin de que a sal no se pegue en o fondo;
• bater: remover con el retradero
• sangrar: retirar l'augua dulce que se concentra en as capas superiors d'a era; fa-se ubrindo uns foratos a meya altura n'o muret debito a que l'augua con mayor concentración de sal tien mayor densidat, pesa més y se enfonsa t'as capas inferiors;
• ixada, pico de gancho: istrumentos que s'usan ta separar a sal pegada en o fondo;
• barrer: recullir a sal;

O producto final, a sal, se vende a profesionals tan diversos como forners (que n'anyaden), caminers (ta desconchelar a nieu a l'hibierno) u ganaders (t'anyadir sal ent'o minchar d'os animals).