Saga pedo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Saga pedo | ||||||||||||||||
 Saga pedo | ||||||||||||||||
| ||||||||||||||||
| ||||||||||||||||
| Saga pedo | ||||||||||||||||
| Pallas, 1770 | ||||||||||||||||
O Saga pedo ye un insecto ortoptero escaso que se distribuye dende a peninsula iberica dica o nord-este de China y ye l'ortoptero mes gran d'Europa.
Descripción[editar | modificar o codigo]
A suya largura plega a 12 cm. O suyo cuerpo ye muito estirato, con un oviscapto muito visible y unas antenas igualment luengas y insertas entre os uellos.
As patas presentan femurs y tibias con punchas pa ensopinar as suyas presas (por un regular atras grillas), d'una traza pareixita a un plegamans.
No se conoixe o masclo, només a fembra, que ye tetraploide y se reproduce por partenochenesi (Kallenbach, 1967).
Distribución[editar | modificar o codigo]
Se distribui por China noroccidental, Kazaquistán, Uzbekistán, Tachiquistán, Azerbaichán, Cheorchia, Rusia, Rumanía, Bulgaria, Eslovaquia, Chequia, Hongría, Sicilia, Cerdenya, Corcega, Occitania y Espanya. En Espanya s'ha citato d'as provincias de Albacet, Badajoz, Ciudad Real, Cuenca, Toledo, Segovia, Madrid, Valencia, Tarragona, Chirona y Zaragoza. A cita d' Aires y Menano de 1916 pa Portugal la han descartata bels autors uno dimpués d'atro.
Habitat[editar | modificar o codigo]
Se troba en gran variedat d'habitats, ye una especie xerotermofila que puet amaneixer en cualsiquier tipo de vechetación, y lo han descrito en pueyos, marguins de selvas, puestos con hierba alta, chinebrals, sabinars, restrollos. En Catalunya lo han trobato en maticals silicicolas formatos por estepas, brucos y barzas dende 70 dica 1.065 m sobre o livel d'a mar. En Albacet se troba dica l'altaria de 1.540 m en Cerro Padrón. En a provincia de Zaragoza ye citato d'o Galacho de l'Alfranca.
Conservación[editar | modificar o codigo]
A UICN lo declara vulnerable. Esta especie ye catalogata por o catalogo d'as especies amenazatas d'Aragón como d'intrés especial por o Decreto 49/1995, d'o 28 de marzo.
Bibliografía[editar | modificar o codigo]
- Manuel Alcántara de la Fuente (coordinador). Catálogo de Especies amenazadas de Aragón (fauna). Gobierno de Aragón (Departamento de Medio Ambiente). 2007.
- Jose R.Verdú y Eduardo Galante. Libro rojo de los invertebrados de España. Ministerio de Medio Ambiente, Organismo autónomo de Parques Nacionales. 2006.
