Roncesvals

Iste articlo ye sobre a localidat navarra de Roncesvals. Ta atros emplegos se veiga Roncesvals (desambigación).

Roncesvals
Municipio de Navarra
Anvista d'o monesterio de Roncesvals.
Entidat  • Estato  • Comunidat  • Provincia  • Comarca	Municipio Espanya  Navarra Navarra Auñamendi
Superficie	15,1 km²
Población  • Total	24 hab. (2010)
Altaria	923 m.
Codigo postal	31650
Coordenatas
Roncesvals Situación de Roncesvals en Navarra
www.Roncesvalles.es

Roncesvals (en vasco Orreaga, en castellán Roncesvalles, en francés Roncevaux, y oficialment Orreaga/Roncesvalles) ye un municipio situato en a Comunidat Foral de Navarra. Fa parte d'a comarca d'Auñamendi, merindat de Sangüesa y partito chudicial d'Aoiz.

A suya población ye de 30 habitants (2009) en una superficie de 15,10 km², con una densidat de población d'1,99 hab/km².

Cheografía

A localidat de Roncesvals se troba situata a 923 metros d'altaria dencima d'o ran d'a mar, a una distancia de 47 km d'a capital provincial, Pamplona.

Nombre

Estió Rozaballes en 1050. En vasco as variants son Orierriga (1284) y atras que apareixen en libros d'historia: Orierriaga, Orreaga y Orriaga.

Siempre s'ha interpretato Roncesvalles como Val d'artos, a partir d'o vasco Orreaga, "puesto con chinebros". Atras teorías dicen que se remonta a Erro-zabal, a plana de l'Erro, a val (val d'Erro) con a que ha estato relacionato.

O paso de pelegrins dende o norte fació romanzar o suyo nombre: Rozabal, Ronzaval, Roncesvals, Roncesvaux, d'on provién o toponimo castellán Roncesvalles.

En os primers anyos d'o sieglo XII o nombre d'Orreaga-Roncesvals feba referencia a la plana y a la población d'orichen de l'actual Auritz-Burguet. Dimpués de fundar-se a Colechiata caleba distinguir entre a villa y o hespital, a villa esdevinió Auritz-Burguet y o hespital se quedó con o viello toponimo.

Administración

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	Luis Echeverría Echavarren	Independient
2007–2011	Luis Echeverría Echavarren	Independient

Molimentos

Capiella de Sancti Spiritus de Roncesvals, con a ilesia de Sant Chaime de Roncesvals.

• Hespital de pelegrins de Roncesvals, establito por o rei Alifonso I o Batallero d'Aragón y por o bispe de Pamplona Sancho Larrosa (con apellido aragonés, d'o lugar de Larrosa). L'edificio actual ye un disenyo de l'arquitecto José Poudez de 1792 y se devantó en 1802-1807 en estilo neoclasico.
• Capiella de Sancti Spiritus de Roncesvals, un edificio d'o sieglo XII, que se diz seguntes a leyenda que se devantó en a honor d'os soldatos francos que morioron mientres a batalla de Roncesvals en 778. Por ixo tamién ye conoixito como Silo de Carlomanyo.
• Ilesia de Sant Chaime de Roncesvals, una ilesia d'o sieglo XIII en estilo gotico que dica o sieglo XVIII estió a ilesia parroquial.
• Colechiata de Santa María de Roncesvals, devantata a prencipios d'o sieglo XIII en tiempos d'o rei Sancho VII de Navarra (qui l'esleyó ta estar-ie apedacato) y perfecto eixemplar de l'arquitectura gotica. Fue reconstruyita luego d'o suyo albandono a prencipios d'o sieglo XVII con elementos barrocos que ocultan parte d'a suya estructura gotica.
• Capiella de Sant Agostín de Roncesvals.

Veyer tamién

• Lista de municipios de Navarra.

Vinclos externos

• Se veigan as imáchens de Commons sobre Roncesvals.
• Pachina web oficial de Roncesvals.
• (es) Información de Roncesvals en a pachina web d'o Gubierno de Navarra.