Roberto Fabián Ayala

Ayala
Información personal
Nombre	Roberto Fabián Ayala
Naixito o	12 d'abril de 1973
Naixito de	Paraná, Archentina
Altaria	1,77 m
Posición	Esfensa central
Esporte	Fútbol
Equipes profesionals
Anyos	Equipe
1992-1993 1994-1995 1995-1996 1996-1998 1998-2000 2000-2007 2007 2007-...	Ferro Carril O. River Plate → SSC Napoli SSC Napoli AC Milán Valencia CF Villarreal Real Zaragoza
Selección nacional
1994–2007	Archentina

Roberto Fabián Ayala naixito de Paraná (Archentina) o 12 d'abril de 1973 ye un futbolista archentín que actualment chuga en o Real Zaragoza.

Biografía

Ayala ye archentín, encara que tamién tien nacionalidat italiana. Chuga d'esfensa central y o suyo primer equipe estió Ferro Carril Oeste. Como su pai tamién se diz Roberto Ayala, ell prefiere que li digan Fabián Ayala.

Se formó en as categorías inferiors d'o Ferro Carril Oeste dica 1992, anyo que pasó a fer parti d'a primera plantiella. Debutó en a primera dibisión archentina o 23 de febrero de 1992 en o partito Ferro Carril Oeste 2 - Belgrano de Córdoba 1.

En 1994 fichó por o River Plate. Con iste equipe ganó lo Torneyo Apertura ixe mesmo anyo.

En 1995 fichó por o Nápols d'a Serie A italiana.

En 1998 fichó por l'AC Milan. En a suya primera temporata en o suyo nuevo club se proclamó campión d'a liga italiana.

En 2000 o Valencia CF se fació con os suyos servicios. Con iste equipe plegó a la final d'a Liga de Campions de 2001 y ganó dos ligas y una Copa d'a UEFA. En a temporata 2004-2005 un par de lesions fación que no chugase a mayor parti d'a liga.

En 2007, Ayala fichó por o Villarreal CF pero no chugó garra partito con o equipe amariello, ya que o 14 de chuliol d'o mesmo anyo, o Real Zaragoza pagó os seis millons d'euros d'a suya clausula de rescisión ta fichar-lo.

Selección nacional

Debutó como internacional con a selección archentina o 16 de noviembre de 1994 en o partito Chile 3 - Archentina 0.

Tamién chugó con a selección olimpica que ganó a medalla d'oro en os Chuegos Olimpicos d'Atenas 2004.

Clubs

• Ferro Carril Oeste – 1992-1993.
• Club Atlético River Plate – 1994-1995.
• SSC Napoli – 1995-1998.
• AC Milán – 1998-2000.
• Valencia CF – 2000-2007
• Real Zaragoza - 2007-

Tetulos

Nacionals

• 1 Liga archentina (Torneyo Apertura), River Plate, 1994
• 1 Liga italiana, AC Milan, 1998-1999
• 2 Ligas espanyolas, Valencia CF, 2001-2002 i 2003-2004

Internacionals

• 1 Copa d'a UEFA, Valencia CF, 2003-2004
• 1 Supercopa d'Europa, Valencia CF, 2004
• Medalla d'oro en os Chuegos Olimpicos, Selección argentina

Participacions en a Copa d'o Mundo

• Francia 1998: 5 partitos.
• Coreya e Chapón 2002: 0 partitos
• Alemanya 2006: 5 partitos, 1 gol.

Vinclos externos

• (es) Web Oficial d'Ayala
• (es) Ayala en www.lfp.es
• (es) Estatisticas d'Ayala con a selección archentina (RSSF)