Risgo

Risgo ye tota condición, proceso u evento que puet causar danyos presonals, perdugas economicas u danyos a lo medio ambient.

O risgo sería a probabilidat de que produga un escayeiximiento concreto que provoque danyos u perdugas. Conceptos relacionatos con o risgo son "catastrofe", "desastre" y "calamidat". Se considera catastrofe quan os efectos dimpués d'o escayeiximiento se notan prou, desastre quan a sociedat a la que ha afectato escayeiximiento precisa d'aduyas externas y calamidat si o desastre dura.

A l'hora d'analisar un risgo s'han de tener en cuenta tres factors: "peligrosidat", "exposición" y "vulnerabilidat". A vegatas a causa d'una catastrofe u desastre no ye o escayeiximiento mesmo, puet estar a exposición de muita chent en un puesto con risgo que se produga o escayeiximiento, u una mancanza de medios adequatos pa encarar ixe escayeiximiento.

Tipos de risgo

Os risgos se pueden clasificar en:

• Risgos tecnolochicos u culturals.
• Risgos naturals
  • Risgos biolochicos.
  • Risgos quimicos.
  • Risgos fisicos.
    • Risgos climaticos.
    • Risgos cheolochicos.
  • Risgos cosmicos.
• Risgos mixtos.

Bibliografía

• Diodora Calvo Aldea, Maria Teresa Molina Álvarez y Joaquín Salvachúa Rodríguez. Ciencias de la tierra y medioambientales. 2º Bachillerato. 2010 Mc´GrawHill.