Rimaya

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Sección transversal d'un cul glacial amostrando a rimaya ("bergschrund" en anglés/alemán)
Una rimaya luenga a o piet d'a pendient d'a montanya en os Alpes d'Ötztal
Rimayas ubiertas en o Mont Dolent

Una rimaya ye una crepaza estreita y funda d'un cul glacial situada entre o chelo d'un glaciar de montanya y a paret rocosa (u o chelo estatico) que se i troba dencima. Ye a sobén un obstaclo important ta os alpinistas.

En un casco glacial, a rimaya se sitúa en a parti posterior, paralela a la paret d'o fundo d'o cul. En un glaciar lonchitudinal, a rimaya se troba en a parti superior final d'o glaciar con un anglo dreito respecto d'o fluxo d'o glaciar. Ye causada por o fluxo enta avant d'o glaciar.

As rimayas plegan dica o leito rocoso d'o glaciar y pueden tener una fondura superior a os 100 metros. D'hivierno, a rimaya ye a sobén cubierta de nieu d'os lurtes d'a montanya. As rimayas s'ubren a la fin d'o verano a causa d'a fusión d'a nieu.

En anglés y alemán a sobén s'esferencia entre a rimaya de tipo "bergschrund" y a rimaya de tipo "randkluft", que ye a crepaza present entre o glaciar y a paret rocosa d'o cul glacial. O tipo "randkluft" apareixe por a fusión d'o chelo debida a la temperatura superior d'a cara rocosa.

En a ruta d'o cuello sud ta puyar a la cima de l'Everest, bi ha una funda rimaya en a parti inferior d'a cara d'o Lhotse, deseparando-ne os campos II y III d'a vía.

Se veiga tamién[editar | modificar o codigo]

Bibliografía[editar | modificar o codigo]

(en) Burchfield, R.W. ed. Oxford English Dictionary supplement (1987) ISBN 0-19-861211-7