Reserva Natural d'os galachos de l'Alfranca de Pastriz, La Cartuixa y Lo Burgo d'Ebro
| Galachos de l'Ebro | |
 Ebro en o galacho de l'Alfranca |
|
|
|
|
| Tipo | Reserva Natural |
| Establito | 1991 |
| Superficie | 800 ha |
|
|
|
| Situación |  Comarca de Zaragoza (Zaragoza) |
| Latitut | |
| Lonchitut | |
|
|
|
.png)
 |
|
A Reserva Natural d'os galachos de l'Alfranca de Pastriz, La Cartuixa y Lo Burgo d'Ebro ye una reserva natural d'Aragón situata en o trampo meyo d'a val de l'Ebro. Se troba entre os termins municipals de Zaragoza (A Cartuixa), Pastriz y Lo Burgo d'Ebro a una distancia de 12 km d'a capital aragonesa.
O río travesa una ampla plana d'inundación por estar un terreno con poca costera y d'un material cheolochico uniforme. Asinas se forman a-saber-los meandros, que quan se deseparan de l'antigo cauz d'o río, bien por l'acción de l'hombre en roturar as tierras u bien por as creixitas de l'Ebro, se forman os galachos.
Actualment son bien poquetz os galachos que se pueden trobar en l'Ebro, existindo amás d'os tres que bi ha en ista reserva natural (L'Alfranca de Pastriz, A Cartuixa y Lo Burgo d'Ebro) un atro en Chuslivol. O mas gran d'os tres que bi ha en a reserva ye o galacho de l'Alfranca y ye tamién o que millor se conserva.
A Reserva Natural d'os galachos de l'Alfranca de Pastriz, La Cartuixa y Lo Burgo d'Ebro se declaró como espacio protechito en 1991 y tien una superficie de 800 hectarias.
[editar] Flora
A vechetación tipica d'iste ecosistema ye o carrizal, tipico d'o meyo humido y a on que destaca a presencia de fauna y flora aquatica. Periodicament quan mos vamos aluenyando de l'augua apareixen por orden os carrizos, as tamarizas (Tamarix), salces (Salix), chopos (Populus) y fraixins (Fraxinus angustifolia).
En as auguas bi ha algas y plantas aqüaticas que sirven d'alimento ta os invertebratos que viven en os galachos. En os cantons d'os galachos apareixe cespede de Paspalum paspaloides que proteche d'a erosión y favoreixe l'aparición d'atras especies vechetals mas complexas.
[editar] Fauna
Entre as especies animals que viven en os galachos trobamos aus como o esparvero (Accipiter), gralleta (Corvus monedula), aguacero (Picus viridis), papafiga (Sylvia atricapilla), tordos (Turdus merula) y mamifers como o teixons (Meles meles), rabosa (Vulpini), chineta (Genetta genetta) y ratón de mont (Apodemus sylvaticus), entre atros.
En os carrizals se pueden trobar numerosas numerosas colonias d'ardeidas, como os martinetz (Nycticorax nycticorax). D'hibierno duermen astí martiners (Emberiza schoeniclus), correderas (Anthus), enganyapastors (Motacilla) y estornels (Sturnus). Tamién viven en os carrizals o bufo calamita (Epidalea calamita), granota común (Pelophylax perezi), cullebra d'agua (Natrix maura) y especies menazatas como a tortuga d'arrigachuelo (Emys orbicularis) y Mauremys leprosa. Os chabalins (Sus scrofa scrofa), mas que mas en verano, se protechen aquí d'as altas temperaturas.
[editar] Vinclos externos
- (es) GEA. Espacios Naturals Protechitos d'Aragón
- (es) Reserva Natural d'os galachos de l'Alfranca de Pastriz, La Cartuixa y Lo Burgo d'Ebro en www.rednaturaldearagon.com
- (es) Reserva Natural d'os galachos de l'Alfranca de Pastriz, La Cartuixa y Lo Burgo d'Ebro
| Espacios naturals protechitos d'Aragón |  |
|---|---|
| Cheleras Pirenencas | Foces de Fago y Biniés | Galachos de l'Ebro | Lacuna de Gallocanta | Lacuna de Sarinyena | Lomaza de Belchit | Mayestrato | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinetas de Rodeno | Pocetz-Maladeta | Saladas de Chiprana | Sant Chuan d'a Penya | Sierra y Foces de Guara | El Val | Vals Occidentals |
