Renato I de Nápols

De Biquipedia
Ir ta: navego, busca
Renato I de Nápols
Rei d'Aragón, Nápols y Cherusalem
Aix - le roi René.jpg
Renato I de Nápols

1435–1442
Predecesor Chuana II
Succesor Alifonso V

1466–1472
Predecesor Pero V
Succesor Chuan II
Atros títols
Conte de Provenza, Duque de Lorena, Duque de Bar, Duque de Anchú
Naixencia 16 de chinero de 1409
Pavillon royal de la France.svg Angers (Francia)
Muerte 10 de chulio de 1480
Provence (alternate flag).svg Ais de Provença
Consort Isabel de Lorena
Casa Reyal Casa d'Anchú-Valois
Pai Luís II de Provenza
Mai Violant d'Aragón

Escudo de Renato I de Nápols

Renato I de Provenza u Renato I d'Anchú, o Bueno (en occitán lo Rei Rainier, Rainier lo Bòn) (Angers, Francia 1409 -Ais de Provença 1480 ), estió duque de Lorena (1431-1453), Conte de Provenza y duque d'Anchú (1434-1480), Rei de Nápols (1435-1442), rei titular de Cherusalem (1435-1480), rei d'Aragón y Conte de Barcelona (1466-1472).

Oríchens familiars[editar | editar código]

Naixito o 16 de chulio de 1409, estió o tercer fillo de Loís II de Provenza y de Violant d'Aragón, y por tanto nieto de Chuan I d'Aragón. Estió chirmán de Loís III de Provenza y de María d'Anchú, casata con Carlos VII de Francia.

A la muerte de su pai, en 1417, os suyos chirmans chunto con o suyo cunyato y futuro Carlos VII de Francia, fuoron os guardians d'os territorios d'o pai baixo a gran influencia de su mai. Asinas Loís III esdevinió conte de Provenza y rei titular de Nápols, conseguindo d'a reina Chuana II de Nápols, o suyo reconoiximiento como hereu.

Por as aspiracions de su mai se casó, con nomás nueu anyos, con Isabel de Lorena y consiguió a la muerte d'o suyo suegro o ducato de Lorena.

En 1429 estió present en Reims en a coronación de Carlos VII como rei de Francia.

En 1434 a la muerte de Loís III sin d'hereus, Renato fue designato succesor d'o condato de Provenza y a la muerte d'a reina Chuana II a l'anyo sigüient, hereu d'o Reino de Nápols.

Luita con Alifonso V d'Aragón[editar | editar código]

Castiello de Renato I en Tarascón, Provenza

En 1421 o rei aragonés heba conseguito de parti d'a reina Chuana II de Nápols o suyo reconoiximiento como hereu universal a falta de descendencia dreita.

Una alianza entre o ducato de Milán y a Republica de Venecia chunto con Loís III de Nápols, permitió a reconciliación entre as dos brancas Anchú enfrontinatas por a cadiera reyal de Nápols. Asinas en 1423 a reina Chuana II adoptó a Loís III como hereu, y a la muerte d'iste os dreitos pasaron a o suyo chirmán Renato.

O rei aragonés s'encarranyó, metendo en 1441 un setio a la ciudat de Nápols que duró seis meses. Renato fuyó enta as suya posesions de Francia, que heban estato gubernatas por su mai, pero ista morió en 1442. Con aquella fuyita os napolitans le chiroron a esquena y encara que ell pensó que mantendría a corona reyal de Nápols o cierto ye que la perdió en favor d'o rei aragonés.

Rei d'Aragón[editar | editar código]

Acceptó os títols d'a Corona d'Aragón quan a Cheneralidat de Catalunya, en luita contra Chuan II, le ofreixió a corona en 1466. Encara que no residió nunca en Catalunya i ninvió como lugartenients a o suyo fillo Chuan II de Lorena y a o suyo nieto Chuan de Calabria.

Núpcias y descendients[editar | editar código]

En 1420 se casó con Isabel de Lorena, filla d'o duque Carlos I de Lorena. D'iste matrimonio tenioron diez fillos:

Se tornó a casar o 10 de setiembre de 1454 en Angers con Chuana Laval. D'iste matrimoni no tenió garra fillo.

Final d'os suyos días[editar | editar código]

En 1470 se retiró a la Provenza, y en 1474 inició o repartimiento d'os suyos biens entre os suyos fillos.

Mientres en o reino de Nápols Alifonso V d'Aragón se bi instaló de forma definitiva, en o condato de Provenza le succede o suyo sobrino Carlos d'Anchú, quatreno duque d'Anchú, y conte de Provenza con o nombre de Carlos III de Provenza. A suya filla Violant d'Anchú recibe o ducato de Lorena y o condato de Bar.

O 10 de chulio de 1480 morió en a ciudat d'Ais de Provença, y fue apedecato en a seu d'Angers.

Muit aficionato a las artes, escribió novelas y obras de caracter moral, en verso y en prosa.

Vinclos externos[editar | editar código]


Predecesor:
Pero V
Rei d'Aragón
Conte de Barcelona

14661472
Succesor:
Chuan II
Predecesor:
Chuana II
Rei de Nápols
14351442
Succesor:
Alifonso V