Remiro I d'Aragón

De Biquipedia
Ir ta: navego, busca
Remiro I d'Aragón
Rei d'Aragón
Remiro I d'Aragón.jpg
Remiro I d'Aragón

1035-1063
Predecesor Sancho III
Succesor Sancho Remíriz

Naixencia 1020?
Muerte 1063
Enterreco Sant Chuan d'a Penya
Conchuche/s Ermisenda d'Aragón
Agnés d'Aquitania
Descendencia Sancho Remíriz
García de Chaca
Sancha d'Aragón
Urraca
Tresa
Sinyal Signum Regis Remiro I d'Aragón.svg
Signum Regis de Remiro I

Remiro I estió lo primer rei d'Aragón, gubernando dende 1035 dica 1063, l'anyo d'a suya muerte.

Estió lo primer fillo de Sancho lo Gran, considerato borde per estar su mai Sancha d'Aibar, d'a nobleza d'as tierras d'Aibar. O suyo orichen ilechitimo ye conoixito gracias a una historia a on se conta como Remiro ye l'unico d'os fillos de Sancho que aduya a la suya muller (y mesmo a os fillos d'ella). Agradeixita, ella l'adopta como fillo suyo.

Dimpués d'a muerte de Sancho lo Gran, heredó lo trono lo suyo primer fillo lechitimo, García de Nachera, que gubernaba en tot lo territorio d'o pai. O suyo chirmán Remiro lo consideró menor d'edat y se proclamó baiulus (baile) en as tierras que heba recebitas de su pai ta vivir d'as rendas en o condato d'Aragón. Bien luego se concararían en a batalla de Tafalla y Remiro decidió d'emprencipiar una nueva dinastía en Aragón. Dimpués d'a muerte d'o suyo chirmán Gonzalo en 1038, obtenió tamién os reinos de Sobrarbe y Ribagorza per alcuerdo d'os nobles d'ixos reinos, que ofriban os territorios a lo Reino d'Aragón. Con tot, en a suya decumentación autentica, o monarca aragonés se tetulaba como Remiro, fillo d'o rei Sancho, sin fer uso d'o títol de rei.

Tenió, difuera d'o matrimonio y antis de contrayer-lo, un fillo natural de donya Amunya, clamato Sancho Remíriz (igual como lo suyo chirmán o rei) que sería conte de Ribagorza.

Remiro I contrayó dos matrimonios sucesivos:

Remiro I convocó un concilio en Chaca en 1063:

pa esviellar o culto d'a nuestra santa relichión, quasi desterrato de nuestros dominios...faciemos congregar un concilio de nueu bispes [...] en o puesto que dende os primers y remotos tiempos se diz Chaca: en ixa asambleya sinodal, trobando-sen-ie tamién presents y conformes totz os procers y mainates d'o nuestro reino [...] y por dentro d'o mesmo sagrato Concilio a seu bispal de tiempos antigos estió en a ciudat de Uesca, a qual se troba agora baixo o poder d'os moros, la restauramos (en Chaca). Y pa més completo restablimiento d'este bispato, yo o dito Remiro [..] y o mio fillo Sancho damos pa cutio a Ilesia on posamos a Seu Bispal o monesterio de Sasau, o de Lierde [...], o de Siresa. [..] , etc...

Remiro decidió a forma d'a futura seu: planta de tres naus, con vueltas de piedra, torres de ueito campanas sobre a puerta prencipal y chapitel tamién de piedra. Ye dicir, bella cosa que encara se puet veyer en Chaca u en o monesterio de Fleury (Saint-Benoît-sur Loire) u en a ilesia de Sant Hilario de Piteus. En o concilio i heba nueu bispes presiditos por a dignidat d'Austindo, arcebispe de Aush, (que como metropolitán yera en a cabeza d'os prelatos franceses, aragoneses (Chaca y Roda), catalans (Urchel), riochans (de Calagorra), mozarabes d'a val de l'Ebro (Zaragoza) y gascons-biarneses (Heraclio de Bigorra y Esteban d'Aulorón).

Morió en 1063 debán d'as puertas de Graus, en mirando de conquerir-la.


Predecesor:
Sancho lo Gran
Rei d'Aragón
1035 - 1063
Succesor:
Sancho Remíriz


Vinclos externos[editar | editar código]