Reliquia

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Santo Gredal en o monesterio de Sant Chuan d'a Penya, en Aragón, que seguntes a leyenda aragonesa d'o Santo Gredal se bi trobó cuantas anyadas, como en atros puesto d'Aragón, dica rematar o suyo recorrito en a Seu de Valencia.

Una reliquia (d'o latín reliquiae, de relictus, "repuis" en aragonés)[1] son os repuis materials que dixa en morir un personache que ye considerato santo por una relichión cualsiquiera, y que pueden estar partes d'o suyo cuerpo u tamién obchectos que estioron en contacto con el mientres a suya vida y que se considera que ha sanctificato con o suyo contacto. Cal parar cuenta que encara que en a nuestra tradición cultural gosan estar mas conoixitas as reliquias ligatas a lo Cristianismo, ista prectica de veneración d'o repuis ye común a cuantas relichions.

En Aragón se conservan cuantismas reliquias de santos, encara que a reliquia d'o Cristianismo mas important en territorio aragonés ye o Santo Gredal, que seguntes a leyenda aragonesa d'o Santo Gredal estió en bels puestos d'Aragón (una espelunga en Yebra de Basa, Sant Per de Ciresa, Sant Hadrián de Sasau, Sant Per d'a Seu Reyal de Bailo, Seu de Chaca y palacio de l'Alchafaría de Zaragoza) dica o suyo treslato ta una breu estata en Barcelona, y definitivament enta la Seu de Valencia.

Referencias[editar | modificar o codigo]

  1. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.392

Se veiga tamién[editar | modificar o codigo]

Vinclos externos[editar | modificar o codigo]