Reino de Sobrarbe
De Biquipedia
- Ta atros emplegos se beiga Sobrarbe (desambigazión)
O Reino de Sobrarbe estió un mitico reino altoaragonés con capital en a billa de l'Aínsa.
[editar] Istoria
Se diz que yeran os cristians aragoneses reunitos en a Espelunga de Galión, en l'autual puesto d'o Monesterio de San Chuan d'a Peña dimpués d'a embasión d'a Peninsula Iberica por os musulmans. Dezidioron formar un exerzito ta luitar contra o embasor e eslechir d'entre ers á un que aberba de dirichir-los. Asinas entre toz trigoron á Garzía Ximéniz con o tetulo de rei en l'año 724.
Tan y mientres os musulmans ya s'eban establito en a bezina ziudat de Chaca e yeran un buen numero, por o que parexeba prou difizil que o chicot exerzito de cristians podese prener a ziudat con esito. Asinas que s'enfiloron ta l'Aínsa que yera más chicota e bi eba menos musulmans. Cuan i plegoron, la sitioron e la prenioron, dimpués se-i fazioron torres e atras construzions esfensibas ta ebitar un nuebo ataque d'os moros que ya yera inminent. Cuan as tropas musulmanas atacoron l'Aínsa yeran cuatro begatas más numerosas que as cristianas. A fin d'o rei Garzía e o suyo exerzito e a bitoria d'os infiels ya se debinaba cuan amanixió en o zielo una cruz roya denzima d'una carrasca sobre un fondo d'oro. Os cristians entrepitoron o feito como que Dios yera con ers e luitoron con totas as suyas fuerzas, os musulmans fuyiban espantatos por a bisión, anque mui pocos salioron con bida d'ixa batalla.
O rei Garzía agradexito dió benefizios á la espelunga de Galión que dende allora se dezirba San Chuan d'a Peña, en onor á San Chuan Batista e que serba o pantión suyo e d'os suyos deszendients, os reis d'ixe territorio que dende l'inte se conoxerba como Sobrarbe (Sobre + Arbe).
[editar] Reis de Sobrarbe
Estioron siet os reis de Sobrarbe:
- Garzía Ximéniz (724-758)
- Garzía Ennéguiz I (758-802)
- Fortún Garzés I (802-815)
- Sancho Garzés (815-832)
- Enneco Ariesta (868-870)
- Garzía Ennéguiz II (870-885)
- Fortún Garzés II, lo Monche (885-901)
Istos tres zaguers reis son decumentatos istoricament como reis de Pamplona, anque con atras calendatas:
- Enneco Ariesta (820-852)
- Garzía Ennéguiz (852-870)
- Fortún Garzés (870-905)
