Rabí

De Biquipedia
Ir ta: navego, busca

Los rabís (hebreu רבי, Rabbi seguntes la pronunciación usual, Ribbī u Rebbi seguntes la pronunciación sefardí oriental y yemení, Rebbe seguntes la pronunciacion yiddish; plur. רבנים Rabbanim) son, en lo chudaísmo, "mayestros" u més literalment "grans (en l'estudeyo de la Torah)". La parabra deriva precisament de lo hebreu רַב, Rav, que significa « gran » en hebreu biblico.

Reservato a ixas envueltas de lo Segundo Templo a los disciplos de los Sabios y ditos a exercer una función publica, se consideró rabí a qualsiquier erudito chuzgato apto pa amostrar a Lei a los profans y pa servir de chuez en un tribunal chodigo, en lo curso d'una ceremonia d'ordinación particular, la semikha.
Las funcions de los rabís s'ixamploron considerablement, y esdevinioron une de las figuras centrals de la vida chodiga, exercendo lo rol d'autoridat relichiosa, de consellero, incluitos los afers conchugals, ecetra.
En Francia, Napoléon dio a los rabís la función de menistro de lo culto, y intauró lo Consistorio central, on los rabís estioron sozmesos a l'autoridat de lo Gran Rabí de Francia.

Antes de lo sieglo XX no bi heba mullers ordenatas rabí, por haber estato tradicionalment descartatas de los estudios, y fueron ordenatas en corrients heterodoxas de lo chudaísmo, encara que en lo sieglo XVI i ha habito un precedent, una erudita de lo Kurdistán dita Asenath Barzani, a qui li confirioron informalment lo titol de Tanna'it, equivalent de facto a un titol rabinico.

A figura d'o Rabí en a Corona d'Aragón[editar | editar código]

No totz los que teneban lo títol de rabí exerceban de rabitz. En os textos medievals cristians lo termin rabí tien dos aplicacions diferents: u ye un títol u ye un cargo. Lo títol "rabí" s'atorgaba a chodigos que hesen estudeato la torah y estasen en condicions de fer actividatz pa las que precisaban de conoixencia d'a lei chodiga: Se suposaba que yeran os eruditos, vinclatos dende antigo a los escribans u soferim y dedicatos a lo estudio d'as Sagratas Escrituras y a suya interpretación. Manimenos pocos n'exerceban lo cargo de rabí en una sinoga; beluns dirichiban la oración y canto (azanim), atros exerceban de matachins («rabí de la degüella» u xoet), y bi n'heba que amostraban a luenga hebraica a los ninos, feban part de lo tribunal chodigo (betdín) u feban las fayenas propias de lo notario-escribán (sofer).[1]

Pa parlar d'os rabitz prencipals, chodigos con un bagache de conoixencias biblicas y talmudicas prou gran os documentos medievals aragoneses gosan fer a parabra latina «magister» u o suyo equivalent romanz «ma(y)estre». Tamién lis diciban «Rau» o «Rahu» tanto en Zaragoza como en Calatayú y Daroca. Rau u mayestro d'a lei yera o prencipal cargo relichioso de l'alchama chodiga en lo sieglo XIV y XV. Lo suyo oficio yera dito marbiztorá («qui ixemena la Lei»).[2]

Referencias[editar | editar código]

  1. Asunción Blasco Martínez La contratación de rabí Jucé ben Josuá como «Rav» o Marbiztorá de la aljama de Zaragoza (1454) SEFARAD (Sef) Vol. 67:1, enero-junio 2007. págs. 71-109. ISSN 0037-0894
  2. Asunción Blasco Martínez La contractación de rabí Jucé ben Josuá como «Rav» o Marbiztorá de la aljama de Zaragoza (1454) SEFARAD (Sef) Vol. 67:1, enero-junio 2007. págs. 71-109. ISSN 0037-0894

Enrastres externos[editar | editar código]