Río Yangtze

De Biquipedia
Ir ta: navego, busca
Articlo d'os 1000
Yangtze
Qutang Gorge on Changjiang.jpg
Administración
Estatos Flag of the People's Republic of China.svg China
Territorios
Cheografía
Longaria 6.300 km
Altaria d'o naixedero 6.621 m
Naixedero Qinghai y Tibet
Desembocadura Mar de China Oriental
Hidrolochía
Superficie d'a cuenca 1.800.000 km²
Cabal meyano 31.900 m³/s
{{{mapa}}}

O Yangtze (en chinés 扬子江, en pinyin ) ye un río de l'Asia oriental, actualment conoixito tamién como Chang Jiang (en chinés 长江, en pinyin ), que quiere decir "o Gran Río". En tibetano se diz Drichu (འབྲི་ཆུ་), u río d'o yak fembra. Atros nombres que recibe en o suyo recorrito son os siguients: Dangqu (当曲), Tuotuo (沱沱河), Tongtian (通天河), Jinsha (金沙江) y, a la fin, Yangzi (扬子江), que ye como se'n diz en o trampo final entre Yangzhou y Zhenjiang en a provincia de Jiangsu, amán d'a desembocadura. Como iste zaguer estió lo primer nombre que sintioron os misioners y comerciants occidentals, estió lo que s'aplicó a tot o río en as luengas europeas. En chinés, Yangzi Jiang se considera o nombre historico u poetico d'o río. A más, en os países castellanoparlants, en Francia y Italia, se'n diz tamién Río Azul, probablement iste nombre lo inventoron en Francia ta diferenciar-lo de l'atro gran río de China: o río Amariello.

Ye o tercer río más largo d'o mundo dimpués de l'Amazonas y d'o Nilo y o segundo de más cabal dimpués de l'Amazonas. Naixe en l'altiplán d'o Tibet, trescruza China d'ueste enta l'este y desemboca en un gran delta en a mar de China Oriental, a lo norte d'a ciudat de Xangai. A suya cuenca hidrolochica ye un 18% d'a superficie d'iste amplo país.

Ye navegable en mils de kilometros; como eixemplo, premite que a ciudat más gran de China, Chongqing, que ye amás de 1.000 km d'a mar, i tienga un puerto. Tien una gran importancia economica, como vía de comunicación, como fuent de recursos naturals (pesca, menería) y como fuent d'augua potable ta os reganos y a población.

Actualment se i ye construyendo a presa d'as Tres Foces, una d'as obras d'incheniería más grans que s'han feito nunca y que ye tenendo un gran impacto economico, social, ecolochico y politico.

Ciudazt más importants[editar | editar código]

A cuenca d'o río Yangtze pasa por istas grans ciudatz:

Se veiga tamién[editar | editar código]

Bibliografía[editar | editar código]

  • Van Slyke, Lyman P. 1988. Yangtze: naturaleza, historia, y el río. Stanford Book. ISBN 0-201-08894-0
  • Winchester, Simon. 1996. The River at the Center of the World: A Journey up the Yangtze & Back in Chinese Time, Holt, Henry & Company, 1996, tapa dura, ISBN 0-8050-3888-4; edición rustica, Owl Publishing, 1997, ISBN 0-8050-5508-8; edición rustica, St. Martins, 2004, 432 pachinas, ISBN 0-312-42337-3

Vinclos externos[editar | editar código]