Río Uerva
| Uerva | |
|---|---|
 A Uerva en Vistabella |
|
|
|
|
| Estatos | {{{estatos}}} |
| Territorios |  Aragón |
|
|
|
| Longaria | 128 km |
| Altaria d'o naixedero | 1.280 m |
| Naixedero | Fuent Frida |
| Desembocadura | Ebro (Zaragoza) |
|
|
|
| Superficie d'a cuenca | 1.020 km² |
| Cabal meyano | 0,84 m³/s |
| {{{mapa}}} | |
A Uerva (Huerva en castellán) ye un río aragonés, afluyent de l'Ebro. Naixe en Fuent Frida, en a sierra de Cucalón (Sistema Iberico) en a provincia de Teruel.
Localidatz importants por a on pasa son Vistabella, Villanueva de la Uerva, Muel, Quart de la Uerva, Cadret, María de la Uerva y Zaragoza a on que desemboca.
En Zaragoza capital le dicen La Uerva, representando un caso de conservación d'o chenero femenín que tienen muitos ríos en aragonés y en latín.
A suya compleganza tien un total de 1.020 km², travesando distintas comarcas aragonesas, con una largaria total de 128 km. dica a suya desembocadura en o río Ebro en a ciudat de Zaragoza.
Contenius |
[editar] Recorrito
[editar] Naixedero
A Uerva tien o suyo naixedero entre as Sierras Pelarda y de Cucalón a una altaria de 1.280 m, concretament en o termin municipal de Fuent Frida en a comarca d'o Xiloca, provincia de Teruel. O puesto exacto a on naixe o río no ye senyalizato, pero se troba nomás a uns 100 m. d'a ermita d'a Virchen d'a Silla, asinas que se localiza sin guaire problema.
En iste primer trampo de 40 km entre o naixedero y a localidat de Villafermosa ye a on o río creya un polito soto de ribera.
[editar] Campo de Daroca
.jpg)
A Uerva dentra en a provincia de Zaragoza a traviés d'o Campo de Daroca, travesando a plana de Campo Romanos. En iste sector o río ye muito mas lento y reculle as mayors aportes d'augua d'o suyo recorrito a traviés d'o río Lanzuela y o barranco de Villalpando. O cabal total que aporta a Uerva a l'Ebro ye de nomás 67 hectometros cubicos, debito a os poquetz afluyents que tien y a que as auguas soterranas que reculle son tamién pocas.
[editar] Campo de Carinyena
En o Campo de Carinyena cambea de tot o scenario que trescruza a Uerva. O río pasa entre as selvas de carrascas que poblan os monts d'as sierras d'o Peco y de Ferrera.
Ye tamién en ista comarca a on se troba un d'os trampos mas politos d'o río, as suyas foces. Mas entabant se troba l'entibo d'as Torcas, o primero d'os que regulan o curso d'o río. Destacable ye tamién Los Calderones, una foz de meyo kilometro amás de Vistabella.
O segundo entibo que bi ha sobre o río se troba tamién en a comarca, o entibo de Mezalocha, destacando o suyo paisache de calsinera.
En o lugar de Muel se puet veyer un polito salto d'augua en o parque d'a localidat, chunto a la ermita d'a Virchen d'a Fuent, en a que se troban obras de Goya.
[editar] Trampo final
A Uerva dentra en a comarca de Zaragoza en o suyo trampo final por o municipio de Mozota. A Uerva dentra por o sud de Zaragoza y pasa chunto a o Parque Gran, ta bells metros mas entabant amagar-se baixo as carreras d'a ciudat dica a suya desembocadura en o río Ebro.
[editar] Fauna
Entre as especies que se pueden trobar en a Uerva son o cangrillo de río común (Austropotamobius pallipes), o barbo culirroyo (Barbus haasi), a madrilla (Rutilus arcasii y Chondrostoma toxostoma), especies que sirven d'alimento a o culebrizo (Natrix maura) y a rata d'augua (Arvicola sapidus).
[editar] Vinclos externos
Se veigan as imáchens de Commons sobre a Uerva.- (es) El río Huerva
- (es) El Huerva. Un oasis entre el Sistema Ibérico y el Valle del Ebro
- (es) "La Huerva" en GEA
