Río Queiles

De Biquipedia
Ir ta: navego, busca
Río Queiles
RioQueilesVozmediano.JPG
Queiles en Vozmediano
Administración
Estatos {{{estatos}}}
Territorios Flag of Aragon.svg Aragón
Flag of Navarre.svg Navarra
Cheografía
Longaria  km
Altaria d'o naixedero  m
Naixedero Vozmediano
Desembocadura Ebro (Tudela)
Superficie d'a cuenca km²
Cabal meyano m³/s
{{{mapa}}}

Lo Río Queiles ye un afluent de l'Ebro por la suya marguin dreita.

Pasa por los termins de Vozmediano, Los Fayos, Torrellas, Tarazona, Novallas, Mont Agut, Tulebras, Cascant, Murchant y Tudela.

Cheomorfolochía[editar | editar código]

Traviesa los almendrons de lo semontano de Moncayo en l'aria de Torrellas, Tarazona y Los Fayos, a on bi ha un modelato con mallos. Ye precisament en ixos almendrons de Los Fayos on recibe l'augua de lo suyo afluent Río Cailes u Río del Val, que tien un entibo en los suyos zaguers kilometros.

Auguas enta baixo de Tarazona s'enampla y bi ha una ribera con una important huerta que se confunde con la ribera d'Ebro.

Lo río Queiles tien un trazato perpendicular a l'Ebro, pero no siempre ha estato asinas, se sape que i ha habito un fenomeno de captura fluvial por l'analís cheomorfolochica de las forma de la Cuenca de lo Queiles y de la Cuenca de La Uecha. Esta analís amuestra que antes yera un afluent de La Uecha y i desembocaba en l'aria de Vera de Moncayo, chirando muito más enta l'este auguas ta baixo de Los Fayos y pasando por l'actual Uecha de Sant Martín, a lo sur d'a sierra formata por l'aliniación de "La Ciesma", L'"Albortú", lo "Plano del Gorrión" y "Mont Albo", coincidindo d'alto u baixo con lo trazato de la carretera Trasmoz-Los Fayos.

Este proceso de captura fluvial ye en lo marco de capturas fluvials de l'aria sudueste de la Cuenca de l'Ebro y que encara continan en l'aria de Soria, on se vei como la Cuenca de l'Ebro se fa més gran a costa de la Cuenca de lo río Duero por la mayor pendient de poder erosivo de los afluents de l'Ebro.

Toponimia[editar | editar código]

En pasando por Tarazona

Seguntes bells autors como Manuel Gargallo Sanjoaquín lo toponimo "Queiles" deriva de lo latín Kalybs ("acero"), preso de Chalybes, un lugar griego conoixito por las menas de fierro y seguntes la tradición descubridors de l'acero.

Chustín en a suya obra Lipsiae situa o río Chalybe en Gallaecia y escribe:

importants son los suyos materials de fierro pero l'augua ye més fuerte que lo fierro, car por las qualidatz especials suyas torna lo fierro més esmolato y compacto; entre ellos no se posa a prueba dengún dardo que no lo haigan templato antes en lo río Birbili u en lo Chalybe. Por ixo dicen Chalybes a los pueblos vicins a este río que va debant de los atros por lo suyo fierro

Adolf Shulten en Iberische Landeskunde Geographie des Antiken Spanien identifica lo Chalybes de Chustín como l'actual "Queiles".

Chustín nombra como ríos especialment adequatos por lur augua frida pa lo temple de fierro a lo Birbilis y a lo Chalybs. Como lo Bilbilis (Birbilis) ye doncas lo Xalón, s'habrá de mirar chunto a l'atra ciudat de lo fierro, a piet de Moncayo chunto a Turiaso, huei Tarazona, y doncas identificar lo Chalybs con lo Queiles

San Isidoro en las suyas Etimolochías torna a citar lo Chalybs como un río con auguas sobrebuenas pa lo temple de lo acero. Manimenos huei se sape que las auguas no tienen denguna cosa especial y lo que feba bueno l'acero yera la materia prima que no teneban en atros puestos.

Antes de los romans lo río debeba tener un nombre en celtibero que s'ha perdito. La evolución dende Kalybs ta Queiles ha estato:

  • Kalybs > Cailbs > Cails > Cailes (con vocal d'apoyo) > Queiles (diftongo que cierra u por influencia de l'arabe hispán u por hipercorrección contra rai y lai).

Los escritors musulmans en luenga arabe escribiban Kalas u Kalez. en lo Libro Chantre s'escribe siempre como Queiles. En Tarazona se puede sentir Queiles u Cailes.[1]

Ye curioso que lo suyo afluent río del val (de seguro que en aragonés orichinal estió río de la Val) se clame Cailes en la suya part soriana. Como ye més luengo que lo río Queiles en lo forcallo que fan ye posible que d'antes lo que se clamase Queiles/Cailes auguas entalto fuese precisament l'actual río del Val dica Ólvega, y que en Soria ese fosilizato a forma con a teoricament més antiga.

Referencias[editar | editar código]

  1. (es) Manuel Gargallo Sanjoaquín Toponimia turiasonense (I). Archivo de filología aragonesa. Lª XLIV-XLV. 1990.

Bibliografía[editar | editar código]