Quinasa

De Biquipedia
Ir ta: navego, busca

O termino quinasa (d'o griego κίνημα, «movimiento» + lo sufixo «-asa» propio d'a nomenclatura d'os enzimas), u como forma sinonima fosfotransferasa, fa referencia a os enzimas (de regular, proteicos) que transfieren un grupo fosfato inorganico meyant una hidrolisi termodinamicament favorable, dende una molecula donant con alto nivel d'enerchía (GTP, ATP, etc.) enta un substrato especifico (en cheneral, una biomolecula concreta). Lo dito proceso se conoix como fosforilación, y anque puede pareixer-se en concepto a l'acción d'as fosforilasas, dita fosforolisi, no s'han d'entivocar os dos procesos.

A fosforilación meyada con quinasas implica l'addición d'un grupo fosfato en una biomolecula, mientres que a fosforolisi se caracteriza perque ye un grupo quimico funcional (aldehido, cetona, etc.) el que s'adibe en o fosfato. En sentido estricto, as antagonistas funcionals d'as quinasas son as fosfatasas, perque son ixes enzimas es que eliminan o fosfato d'a biomolecula en operación estrictament contraria a l'addición que fa la quinasa (en conseqüencia, l'acción d'a fosfatasa se diz «defosforilación»). A mayoría d'os procesos biolochicos que funcionan con una alternación de fosforilacions y desfosforilacions implican l'actividat alternativa de quinasas y fosfatasas.

Se veiga tamién[editar | editar código]