Quatrefuellas
As quatrefuellas son unas cruzes emplegatas a sobén ta decorar as fronteras u puertas de muitas casas d'o Pireneu aragonés en forma d'amuleto u talismán.
Tamién s'emplegan en muitos atros puestos antimás d'Aragón, como Navarra, País Vasco (a on se conoixen como lauburu, en idioma vasco significa "quatretozuelos") u Galicia. Tamién s'han trobato istos simbolos en representacions artisticas d'atros pueblos como os celtas, chermans (por eixemplo visigodos).
En Cantabria existe un simbolo pareixito dito labaro.
Encara que en Aragón tamién gosa decir-se a iste tipo de simbolos religadas, quatrefuellas, como diz o mesmo nombre, ye como se dicen as religadas de quatre fuellas.
[editar] Orichen
O simbolo ye muy común en muitas d'as culturas indoeuropeas, encara que con belas modificacions. O suyo pareixito con a esvastica (encara que os brazos d'as quatrefuellas son curbos) denota un orichen celta.
O suyo significato orichinal no ye prou claro, encara que se sabe que ye un simbolo precristián. Belas entrepitacions dicen que representa o sol; atras o movimiento y atras dicen que con chiro ta la cucha ye simbolo de vida, y con chiro ta la dreita ye simbolo de muerte, razón por a quala apareixe d'ista zaguera traza en molimentos funerarios.
