Quarz citrín

De Biquipedia
Ir ta: navego, busca
Quarz citrín
Quarz citrín tallato
Caracteristicas chenerals
Categoría: Silicatos
Clase: Tectosilicatos
Formula quimica: SiO2
Propiedatz fisicas
Color: Amariello.
Raya: Blanca.
Lustre: Vitrio.
Transparencia: Translucido a transparent
Sistema cristalín: Trigonal
Trencadura: Concoidal
Dureza: 7
Densidat: 2,65 g/cm³
Punto de fusión: 1650±75 ºC

O quarz citrín u simplament citrín ye una variedat d'o quarz, mineral d'o grupo d'os tectosilicatos. A suya color ye amariella por chicotas cantidatz de fierro (Fe+3). A denominación de citrín fa referencia a que ye amariello como o limón.

O quarz citrín natural ye escaso. A mayor part d'o quarz citrín que se comercializa ye artificial y s'ha feito torrando amatista u quarzo afumato. A 470ºC l'amatista brasilera se torna amariella-clara, y a 550ºC-560ºC son de color marrona escura a parda royenca. Totz os citrins torratos tienden a estar royencos. Os citrins naturals son amariellos-mate.

Os millors chacimientos actuals son de Brasil y Madagascar. Antes més as millors piedras proveniban de Salamanca y Cordoba. A vegatas o citrín se comercializa baixo denominacions poco exactas (topacio de Bahía, topacio de oro, topacio de Madeira, topacio de Palmeira, topacio de Río Grande, falso topacio, como o famoso falso topacio de Hinojosa de Duero).

Torrando os quarzos violeta y amariellos de Montezuma (Minas Gerais, Brasil), s'obtien a 500ºC un quarz verde, a prasolita.

Bibliografía[editar | editar código]