Quadrivium
De Biquipedia
O quadrivium yera, en a Edat Meya, o conchunto d'as cuatre artes liberals: aritmetica, mosica, cheometría e astronomía que, en chunto con o trivium, yera la base de l'estudio d'a filosofía e la teolochía en os zentros d'amostranza meyebals. Probiene d'a seuta d'os pitagoricos que daben una gran importanzia á la educazión.
O quadrivium proporzionaba á lo estudiant que ya eba superato l'aprentanza basica e un mayor conoiximiento e una más profundo saber en introduzir-lo en as zenzias superiors.
Ye espezialment esta branca d'o conozimiento a que rezibió más impulso con os multiples contautos d'os monesterios catalans con o Islam: un claro eixemplo se troba en os adebantatos estudeyos matematicos que Gerbert d'Orlhac eba fetos con o bispe Ató de Vic mientres a suya estanza en Cataluña.
Á trabés d'o Islam se conoxioron os treballos de Maslama sobre l'astrolabio, l'establezimiento d'as mesas astronomicas, l'uso d'as zifras arabes e d'o zero e s'enamploron os conoiximientos sobre l'alchebra en o mundo crestiano.
Os conoiximientos nuebos fazilitoron e millororon o estudeyo d'a cheometría, de l'aritmetica e de l'astronomía en os diferents zentros d'amostranza.
Se consideraba que l'aritmetica yera lo estudeyo d'o numbro en estato puro, que a cheometría yera lo estudeyo de l'espazio en estato puro, que a mosica yera lo estudeyo d'o numbro en mobimiento e que l'astronomía yera lo estudeyo d'o espazio en mobimiento.
[editar] Bibliografía
- (ca) Sadurní i Puigbò, Núria: Diccionari de l'any 1000 a Catalunya. Edicions 62, Col·lecció El Cangur / Diccionaris, núm. 280. Barzelona, otubre d'o 1999. ISBN 84-297-4607-2, plana 106.
