Pyotr Zakharov-Chechenets

De Biquipedia
Ir ta: navego, busca
Pyotr Zakharov-Chechenets
Autorretrato de Pyotr Zakharov-Chechenets.
Autorretrato de Pyotr Zakharov-Chechenets.
Información personal
Calendata de naixencia: 1816
Puesto de naixencia: Chechenia (Imperio ruso)
Calendata de muerte: 1846
Ocupación: Pintor

Pyotr Zakharov-Chechenets, naixito de Chechenia (Imperio ruso) en 1816 y muerto en 1846, estió un pintor ruso d'orichen chechén (mientres o sieglo XIX estió o solo pintor profesional d'orichen chechén, amás d'estar o primer pintor d'ixe nacionalidat).

Pyotr Zakharov-Chechenets yera naixito en puesto y calendata desconoixitos. En 1819, mientres a Guerra d'o Caucaso, soldatos rusos troboron en una aldeya chechena un nin de 3 anyadas, alto u baixo, chunto a o cuerpo sin vida de qui se suposa yera a suya mai. Aleksey Petrovich Yermolov, qui yera o comandant en cabo d'o Exercito ruso en ista guerra, ordenó a os suyos medicos que fesen tot o posible ta salvar a suya vida, y o nin sobrevivió, esdevenindo luego o pintor Pyotr Zakharov-Chechenets, luego de ser educato por un cosaco, qui li dió o suyo patronimo, amás de prener o chentilicio d'o suyo pueblo. Quan teneba 7 anyadas, l'adoptó o cheneral ruso Pyotr Yermolov, primo d'o melitar que l'eba salvato.

Zakharov-Chechenets quiso estudear Arte en a Academia Imperial d'Artes de Sant Petersburgo quan teneba 10 anyadas, encara que li refusoron a suya dentrada quan o president deixo que encara yera muit nin, y li conselló prener un profesor particular. Quan teneba 17 anyadas dentró en a Acedemia, y en 1835 yera graduado en Arte, y se li recomanó viachar a Italia, encara que Zakharov-Chechenets enfermó de tuberculosi; antiparte, o mesmo zar Nicolau I borró o suyo nombre d'a lista de becatos, decindo que as becas de l'Academia no yeran pas ta miembros de minorías etnicas. Sindembargo, pronto esdevenió o pintor de moda de l'alta sociedat de Sant Petersburgo, incluyindo-ie a propia familia imperial.

Dimpués de muitos problemas por a oposición d'os pais d'a suya novia, casó con ista o 14 de chinero de 1846, encara que a suya muller morió por tuberculosi o 13 de chunio y quedó viduo, ta morir o mesmo anyo.

Vinclos externos[editar | editar código]