Purullosa

De Biquipedia
(Reendrezau dende Purillosa)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Purullosa
Municipio d'Aragón
Bandera Escudo d'armas
Anvista de Purullosa
Anvista de Purullosa.
Entidat
 • País
 • Provincia
 • Comarca
Municipio
 Aragón
 Zaragoza
Aranda
Partiu chudicial L'Almunia de Donya Godina
Superficie 35,47 km²
Población
 • Total
 • Densidat

30 hab. (2013)
0,85 hab/km²
Altaria
 • Meyana

978 m.
Distancia
 • 104 km

enta Zaragoza
Alcalde Mariano Sanjuán Clemente
Codigo postal 50268
Parroquial
 • Diocesi
 • Arcipestrau
 • Parroquia

Tarazona
Baixo Xalón
O Salvador
Coordenadas
Purullosa ubicada en Aragón
Purullosa
Purullosa
Purullosa en Aragón
Web oficial

Purullosa (Purujosa en castellano) ye un municipio de la provincia de Zaragoza (Aragón), situato en la comarca de l'Aranda.

La suya población ye de 30 habitants, en una superficie de 35,47 km² y una densidat de población de 0,85hab/km².

Cheografía[editar | modificar o codigo]

Ye situato a 978 metros d'altaria dencima de lo livel d'a mar, a lo sud de Moncayo, entre la Sierra de Moncayo y la Sierra del Tablado, en lo cabalto de la val de la Isuela.

Ye a una distancia de 104 km de Zaragoza, la capital de la suya provincia.

Toponimia[editar | modificar o codigo]

Figura como Purillosa en la bula de 1158 de lo Papa Hadrián IV confirmando a lo bispe de Zaragoza Pere de Torroja la posesión de las ilesias de la diocesi de Zaragoza, confirmando tamién las mugas de lo bispato d'alcuerdo con las que fació lo rei visigodo Wamba:

ecclesias de Noveles, de Razacol, de Crots, de Meslie, de Frescaron, de Magalon, de Alberit, de Borota, de Aianzione, de Crocle, que in vivo Burge continentur, cum omnibus pertinentiis suis; ecclesias de Purillosa, de Calcena, de Terga, de Aranda, de Siarga, et de Arandega, cum omnibus pertinentiis suis

En un texto de 1247 figura como Beriluesa cuan Chaime I permuta lo suyo castiello y villa de Bulbuent por Purillosa, que yera de lo monesterio de Veruela.

En "Rationes decimarum Hispaniae (1279-80): Aragón y Navarra" figura como Pereyllosa y Perayllosa, ye dicir "Perallosa".

En lo Libro Chantre s'escribe Purullosa:

item en Purullosa ha el sennyor Vispe los dreytos que se siguen, a saber

En lo fogache de 1405 s'escribe Pluyosa, indicando ya prencipio de castellanización de lo fonema -ll- ta -j- fricativa medieval castellana seguindo o modelo de muller-mujer, fillo-hijo:

de los lugares de Illueca, Morata, godor, Villanueva et Pluyosa

Bels autors dicen que lo nombre vendría d'o latín "podium" (pueyo, tozal)+basco "otz" (=fredo). Atros dicen que viene d'un antroponimo arabe (villa Perullosa) u celta (villa Burullosa).[1]

Historia[editar | modificar o codigo]

Restas d'industria litica musteriense trobaus en o chacimiento d'a espelunga d'os Rincones indican la existencia de neandertals arredol de Purullosa. Per unatra parti arredol d'o Barranco de Valcongosto, bellas prospeccions arqueolochicas han localizau uesos dataus en a Edat d'o Bronce.

Cualques hipotesis apuntan a un primitivo asentamiento celtiberico.

Purullosa estió dada per Alifonso II, de conchunta con atros puestos, a lo monesterio de Veruela en chunyo de l'anyo 1177.

O 28 d'aviento de 1247, l'abat d'o monesterio de Veruela tornachuntaba con Chaime I d'Aragón o lugar de Purullosa per Bulbuent. Posteriorment pasaría a formar parte d'o patrimonio d'os Condes de Morata a los cuals perteneixió dica lo sieglo XIX. Seguntes Agustín Ubieto Arteta, la primera cita de lo lugar ye de 1158, recollita en la suya propia obra Cartulario pequeño de la Seo de Zaragoza, y documenta nomás la variant Purillosa.[2]

Demografía[editar | modificar o codigo]

Evolución demografica
1362 f 1495 f 1842 1857 1860 1877 1887 1897 1900
- - - - - - - - 425

1910 1920 1930 1940 1950 1960 1970 1981 1991
454 553 385 414 396 196 112 10 24

1992 1994 1996 1997 1998 1999 2000 2001 2002
- - 34 - 39 43 40 39 51

2003 2004 2005 2006 2007 2008 2009 2010 2011
60 59 48 54 50 48 48 44 43

2012 2013 2014 2015 2016 2017 2018 2019 2020
40 39 39 37 38 37 36 35 32

2021 2022 2023 2024 2025 2026 2027 2028 -
26 27 - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 1
Total 1

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 Isabelo Sanjuan Villaroya [3] UCD
19831987 Lumbreras Sanjuan, Saturnino PAR
19871991
19911995 Santiago Sanmartín Ibáñez Partido Popular
19951999
19992003
20032007
20072011 Mariano Sanjuan Clemente Partido de los Socialistas de Aragón
20112015
20152019
20192023
20232027 Maria Del Carmen Clemente Sanjuan [4] PSOE

Molimentos[editar | modificar o codigo]

Frontera de l'Ermita d'a Virchen de Constantín de Purullosa, d'estilo romanico de lo sieglo XII.

Liendas[editar | modificar o codigo]

Bi ha una lienda que diz que l'Emperador romano Constantín I lo Gran (272 – 337) vesitó Purullosa y per ixo lo escudo d'a localidat leva las armas d'o estandarte militar de Constantín I.

Fiestas[editar | modificar o codigo]

  • Primer domingo de mayo.

Vinclos externos[editar | modificar o codigo]

Referencias[editar | modificar o codigo]

  1. Toponimia Mayor de Aragón: ciudades, villas, lugares, aldeas, ríos, montanyas y territorios. Miguel Ballestín. Gara d'Edizions, 2015, ISBN 978-84-8094-070-2, p.380
  2. (es) Ubieto Arteta, Agustín: Toponimia aragonesa medieval, Valencia, 1972, pachina 163.
  3. (es) Treinta aniversario de las primeras elecciones municipales de la democracia.
  4. (es) Consulta el listado de alcaldes que han sido proclamados en Aragón en Heraldo de Aragón