Pseudonimo

De Biquipedia
Ir ta: navego, busca

Un pseudonimo (d'o griego pseudos, "falso", y onoma, "nombre") ye o nombre que se da chenericament a o "falso nombre" que s'emplega t'amagar o nombre propio quan se considera que no ye convenient que sia conoixito publicament.

S'esferencia de raso d'a embotada en que ista no ye librement esleita por qui la porta, sino que li ye imposata por tercers; o pseudonimo ye esleito librement por qui l'emplega.

A existencia d'os pseudonimos ye prou antiga, y ha esdevenito una practica que se fa a ormino en quantos ambitos.

En a literatura[editar | editar código]

Uno d'os ambitos mas antigos d'emplego d'un pseudonimo ye en o campo d'a Literatura, emplegando-se en quantas luengas ta referir-se a ista traza de pseudonimo o galicismo de nom de plume (nombre de pluma en aragonés).

En as artes scenicas y en o cine[editar | editar código]

A practica de fer servir un pseudonimo s'adoptó a o mundo d'o teatro, d'a on pasó enta o mundo d'o Cine. Ista traza de pseudonimo se diz nombre artistico.

En a vida politica u belica[editar | editar código]

En situacions politicas u belicas de clandestinidat, tamién s'emplegan pseudonimos. recibindo en iste caso o nombre de nombre de guerra en quantas luengas. Son prou conoixitos os pseudonimos de melitants bolcheviques en zaguerías d'o Imperio ruso y mientres a Revolución rusa, como Lenin, Stalin, Trotsky u Molotov. Tamién s'emplegó muito en a Francia ocupata por os alemans mientres a Segunda Guerra Mundial, u en a Guerra d'o Francés por os guerrillers que luitaban contra o Exercito francés. En Aragón s'emplegoron por os maquis en a suya luita contra o franquismo, como estió o caso d'o conoixito como O mayestro d'Agüero, Ángel Fuertes Vidosa, que yera naixito d'Agüero.

En o mundo d'a delinqüencia[editar | editar código]

En o mundo d'a delinqüencia tamién se fan servir os pseudonimos, ditos en iste campo alias. Ye una conoixita practica d'a Mafia, pero tamién de qualsiquier traza de delinqüents.

En a informatica[editar | editar código]

En a informatica, mas que mas en a presencia publica d'os usuarios en o rete, tamién s'emplegan os pseudonimos, encara que en iste caso se gosa denominar-los a sobén con l'anglicismo de nick.

Se veiga tamién[editar | editar código]