Prusians
Os prusians estioron un pueblo balto que habitaba a rechión de Prusia dica o sieglo XVII. Os prusians charraban una luenga balta d'a mesma branca que o lituán y manteneban bien o politeísmo dica que fuoron sozmesos y colonizatos por os alemans d'a Orden Teutonica en o sieglo XIII. A sobén son denominatos "vielloprusians" pa diferenciar-los d'os "alemans prusians", que manimenos tampoco existen como pueblo actualment.
Os caballers teutonicos trayoron colons alemans, sobre tot d'o norueste d'o Sacro Imperio, en tiempos en os que encara incluiba os Países Baixos. Os dominadors alemans consiguioron de tot a chermanización d'os prusians ya en o sieglo XVII, esdevenindo alemans prusians, habitants d'o Ducato de Prusia, dimpués part d'o Reino de Prusia, reino que prenió a hechemonía d'o norte d'Alemanya en os sieglos XVIII y XIX.
