Prunus persica

De Biquipedia
(Reendrezato dende Presiquera)
Ir ta: navego, busca
Presiquera
Flameprince peaches.jpg
Prunus persica
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Rosales
Familia: Rosaceae
Subfamilia: Prunoideae
Chenero: Prunus
Subchenero: Amygdalus
Especie: P. persica
Nomenclatura binominal
Prunus persica
L., 1758

A presiquera u presquero (Prunus persica (L., 1758)) ye un árbol caducifolio natural de China, d'entre 5 e 10 m d'altaria quan ye adulto, miembro chunto con l'almendrera d'o subchenero Amygdalus. l'Árbol ye extensament caultivato en diversas variedatz perque produce una fruita singularment gustosa, o presiego u presco.

Flores de presquero

Os prescos, chunto con as ciresas, prunas y alberches son fruitas de cascuello (drupas). Esta especie se clasifica en variedatz que a suya carne se desepara facilment d'o cascuello y en atras que s'apegan firme a éll, como a variedat clamada pavía. As variedatz de carne blanca son tipicament muito dulzas, con poco taste aceto y as más populars de países como China, Chapón y os suyos vecins asiaticos, mientres que las de carne amariella preferidas por os países europeus y norteamericans, poseyen un fundo aceto, que se gusta chunto a la dulzor. A pelarza d'as dos variedatz tien tonos royizos.

Historia[editar | editar código]

Son orichinarios de China, a on yeran simbolo de larga vida. Os musulmans no los introducioron en a Peninsula Iberica, como gosa dicir-se quan se charra d'a historia de l'agricultura espanyola, con os musulmans como elementos civilizadors que tot lo fan y lo introducen tot. Unos ruellos trobatos en o chacimiento vigués de Rosalía de Castro II d'epoca romana y a palabra presco que deriva d'o latín Persicum, igual que as denominacions en quasi totz os idiomas occidentals, prueban que estioron os romans qui los introdución.

Dende China plegoron ta Persia por a rota d'a Seda. Teofastro, disciplo d'Aristótil y con tendencias botanicas, ya los describió enta o 300 aC; tamién o mesmo Plinio o Viello los menciona, y apareixen representatos en os frescos de Pompeya. Introdueitas en o Mediterranio occidental dende Orient en a epoca romana, se diciban MALUS PERSICUS u mazanas de Persia, porque l'imperio mugaba en Orient con Persia y pensaban que en yeran orichinarias.

Nombre[editar | editar código]

O codonyo se clamaba MALUS MELUS, mazana de miel, u MALUS COTONIUS, estando COTONIUS a codonyera. Como a sobén se feban empeltres ta millorar o fruito, rematoron idenficando-sen os dos, MALUS PERSICUS y MALUS COTONIUS en bells romances hispanicos interiors; en castellán por eixemplo dando Melocotón como nombre ta o presco y membrillo ta o codonyo, de MALUS MELUS y con sufixo "-illo". En galaicoportugués asturiano y catalán continaron emplegando-sen derivatos de PERSICUM, igual que en occitán, francés y italiano.

En aragonés tenemos as palabras priesco (meyevalismo que veyemos en a literatura alchamiada), presco, en a Tierra Plana y Teruel, precieco, presiego, ecetra... A forma malacatón y vegatas la consideran aragonesismo en estudeos sobre o lexico murciano, andaluz oriental... y tamién se diz en a Val de l'Ebro, pero de seguro ye un vulgarismo castellán por analochía con malo.

Pavía[editar | editar código]

Nectarina

A pavía ye una variant d'o presco con pela no pas pilosa, manimenos, perteneix a la mesma especie. En muitas ocasions esta variedat naix d'o mesmo árbol d'o presco como un chito mutau que suele empeltrar-se ta creyar una especie a cautivar. No ye raro que os árbols presquers produzcan de cabo ta quan bellas pavías y viceversa. Éstas, igual como os prescos pueden estar de carne blanca u amariella y apegada a lo cascuello u suelta.

A primer referencia quaternada d'as pavías nos leva ta 1616 en Anglaterra, pero con toda probabilidat habrían estau cultivadas muito antes en Asia Central.

Cautivo[editar | editar código]

Os presquers vechetan en una zona prou restrinchida, pos menestan unas condicions de fredo que as zonas subtropicals no reunen y, de vez, no son guaire resistents; de verano le cal temperaturas altas ta madurar a cullida. Bellas rechions productoras de prescos d'as más importants son: California, Carolina d'o Sur, Colorado, Cheorchia y rechions güegants de Canadá; os países d'a cuenca mediterrania y qualques zonas de China.

A más gran parte d'os presquers que se venden en os verchels son exemplars d'empeltre. Son propensos a una malatía clamada enrebullamiento d'a fuella, causada por un fongo (taphrina deformans), que por un regular no afecta dreitament la fruita encara que en reduce a cullida, ya que provoca una defoliación parcial de l'árbol. A fruita ye muito susceptible a la gomosi, malotía funguica causada por o monilinia fructicola.

Plantación[editar | editar código]

Flameprince peaches.jpg

A exposición d'esta especie ha d'estar a pleno sol y con buena ventilación. Esto permite que l'aire fredo circule durantes d'as nueitz fredas y mantien a zona fresca en verano. A millor época ta plantar-los ye l'esprencipiar de l'hibierno, asinas forma las radices y tienen tiempos d'asentar-se ta poder alimentar a brotación primaveral.

Riego[editar | editar código]

Cal proporcionar-les augua de contino, incrementando-ne l'aporte un poco antes d'o momento d'a plega. As fruitas con a millor sabor se consiguen quan os árbols se riegan de largo de toda a estación. O riego por goteyo ye a traza ideyal.

Fertilizant[editar | editar código]

Os presquers tienen altizas necesidatz de nutrients, requerindo más nitrocheno que a mayor parte d'os fruitals. Se puet aplicar un abono NPK con regularidat y un aporte extra de fiemo de corral d'agüerro, dimpués d'a cullida.

Cautivo en a Val de l'Ebro[editar | editar código]

Especialment famosos son os prescos de Calanda, denominación d'orichen que aplega a tota la ribera d'o Guadalop y Guadalopiello, a Pui Moreno y Val Muel (huerta d'o Regallo), ribera d'o río Martín y Maella (Baixo Matarranya). Os prescos de tot o Baixo Aragón historico son os solos d'o mundo que s'embolsan enantes d'a suya maduración.

Consellos ta una buena cullida[editar | editar código]

Si se dixan totz os fruitos en l'árbol, éstos serán de poca grandaria y carents de dulzor y sabor. Os fruitos cal aclarar-los quan han plegau ta los 2 cm de diametro, por un regular dos meses dimpués d'a florada. Ye important tamién aportar riegos extras en condicions secas.

Vinclos externos[editar | editar código]

Biquiespecies
Se veiga a información de Biquiespecies sobre Prunus persica.