Prencipato de Catalunya

Principat de Catalunya Prencipato de Catalunya
Territorio d'a Corona d'Aragón
← 1164 — 1716 → →
Prencipato de Catalunya en a Corona d'Aragón
Capital	Barcelona
Idioma oficial  • Atros idiomas	Catalán Aragonés, castellán, occitán
Relichión	Catolica romana
Gubierno	Monarquía
Conte  • 1164-1196  • 1705-1714	Alifonso I Carlos III
Periodo historico	Edat Meya
• Fundación	1164
• Nueva Planta	1714
Precedito por Condato de Barcelona Condato de Chirona Condato d'Osona Condato de Berga Condato de Besalú
Miembro de: Corona d'Aragón

O Prencipato de Catalunya (en catalán Principat de Catalunya) ye o nombre historico y tradicional de Catalunya. Ye un termin churidico (en latín principatus) que apareixió en o sieglo XIV ta decir a o territorio baixo churisdicción d'as Cortz Catalanas, estando o suyo soberán (en latín, princeps) o rei d'a Corona d'Aragón, sin estar formalment un reino. Tampoco no yera un condato, ya que o condato de Barcelona no s'estendillaba por tota Catalunya. Os usatges fan coincidir o títol de Princeps con o de Conte de Barcelona.

A sobén s'ha feito servir o títol nobiliario de Prencipe por o hereu d'a corona. En a Corona d'Aragón, o hereu teneba o títol de Duque de Chirona, dimpués cambeato ta Prencipe de Chirona. No s'ha de trafucar, o Prencipado de Catalunya con un títol nobiliario.

Portalata d'as usatges.

A primera referencia que se fa a o Prencipato de Catalunya se troba en as Cortz de Perpinyán, de 1350, presiditas por o rei Pero o Ceremonioso. Manimenos pareixe, que ya se feba servir de traza informal dinantes. Ramón Muntaner escribe en a suya Cronica a despedita de Chaime o Chusto a o fillo d'ell, que se'n iba ta a conquiesta de Cerdenya:

Fillo, yo tos doi a nuestra bandera, antiga d'o Prenzipato de Catalunya, que tien un pribilechio singular: que en o tiempo en campo a on a nuestra bandera reyal ha estato, nunca fue benzita ni tramullata.