Prencipau da Pontinha

De Biquipedia
(Reendrezau dende Prencipato da Pontinha)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Prencipau da Pontinha
Principado da Pontinha
Micronación d'Europa
Escudo d'o  Prencipau da Pontinha
Bandera Escudo
Lema: Verbum volat, scriptum manet
Entidat
 • Continent
Micronación
Europa
Capital Fuerte de São José
Idioma oficial Portugués
Superficie
 • Total

0,000178 km²
Población
 • Total (2007)

4 hab.
Prencipe Renato Barros I
Establimiento 9 d'octubre de 1903
Secesión de Portugal
30 de noviembre de 2007
Zona horaria UTC+0
Moneda Euro

O prencipau en a isla de Madeira
Pachina web oficial

O Prencipau da Pontinha (en portugués Principado da Pontinha u Principado do Ilhéu da Pontinha) ye una micronación situata en a isleta da Pontinha en o puerto de Funchal chunto a la isla de Madeira. O prencipau se troba a una distancia de 70 metros d'a isla de Madeira y tien una superficie d'alto u baixo 178 m², con una población de 4 habitants (2007).

L'unico edificio d'o prencipau ye o fuerte de São José (en portugués Forte de São José). O chefe de gubierno d'o país ye o Prencipe Prince D. Renato Barros.

Historia[editar | modificar o codigo]

A historia d'a isleta prencipia l'1 de chulio de 1419, cuan os navegants portugueses João Gonçalves Zarco y Tristão Vaz Teixeira, a o servicio d'o prencipe Henrique o Navegant, desembarcan en a roca y prencipian con a construcción d'o fuerte que encara hue se puet veyer.

D'atra man a historia d'o país propiament dito prencipia o día 9 d'octubre de 1903, calendata en a que o rei Carlos I de Portugal, antipasau de l'actual Renato Barros, primer prencipe da Pontinha, sinya un Decreto Reyal (alzando-se encara l'orichinal en a Torre de Londres) en o que reconoixe a sobiranía d'o territorio d'o Prencipau da Pontinha, a roca sobre a que se troba o fuerte de São José.

O prencipau en l'actualidat[editar | modificar o codigo]

Cartel de dentrada a o Prencipau da Pontinha

En l'actualidat o caso ye analizato por a comunidat internacional, encluyindo as Nacions Unidas. O prencipe Renato Barros aspera obtener toz os dreitos d'un estato sobirán, encluyindo as correspondients 200 millas nauticas.

O prencipe Renato Barros ha asegurato que bi ha buenas relacions con o gubierno brasilero, y afirma que si o prencipau ye reconoixito internacionalment, se convertirá en una puerta de dentrada a Europa.

O prencipau da Pontinya ye miembro d'o Micronational Professional Registry, una asociación internacional de micronacions.

On día 30 de noviembre de 2007, o Prencipe D. Renato Barros anunció formalment a secesión d'o prencipau de Portugal.[1]

Referencias[editar | modificar o codigo]

Vinclos externos[editar | modificar o codigo]