Prekmurje

De Biquipedia
Ir ta: navego, busca
Rechión tradicional d'Eslovenia
Borders of the Historical Habsburgian Lands in the Republic of Slovenia.png
1 Litoral Eslovén; Carniola: 2a Alta
2b Interior, 2c Baixa
3 Carintia; 4 Estiria; 5 Prekmurje

Prekmurje ye una rechión tradicional d'Eslovenia situata en o cabo noreste d'o suyo territorio entre Austria, Hongría, Croacia y a rechión eslovena d'a Baixa Estiria. A rechión fa part d'a plana pannoniana y ye una plana, de fueras d'os pueyos d'o nord (Goričko). Ye drenata por o río Mur, (d'on pren o nombre) y por o suyo afluent Lendava. Presenta una historia, cultura y parla diferent d'a resta d'as tierras habitatas por eslovens por a suya situación en a plana pannoniana y por haber perteneixito a lo Reino d'Hongría y no a lo Reino d'Austria, y encara bi ha una important minoría hongara. Bi ha poblacions bilingües como Dobrovnik (Dobrónak), Hodoš (Hodos) y Lendava (Lendva).

Toponimia[editar | editar código]

A rechión prene o suyo nombre d'o río Mur, que la desepara d'a resta d'Eslovenia, y o toponimo ye una traducción literal d'o esloveno "dezaga d'o Mur" u "Transmurania". En hongaro a rechión ye Muravidék y en alemán Übermurgebiet.

O toponimo Prekmurje ha sito introdueito fa relativament poco. Enantes de 1919 as tierras habitatas por eslovens d'o Condato de Vas en o Reino d'Hongría yeran conoixitas como Marca Eslovena u Marca Venda (en eslovén: Slovenska krajina, en Hongaro: Vendvidék). A part de l'actual Prekmurje que pertanyeba a lo Condato de Zala (l'aria entre Lendava, Kobilje y Beltinci) no yera considerata part d'a Marca Eslovena. Manimenos dica principios d'o sieglo XIX esta rechión d'o Condato de Zala pertanyeba eclesiasticament a la Archidiocesi de Zagreb, y n os documentos d'esta archidiocesi este territorio yera dito Transmurania u Prekmurje ("territorio de l'atra marguin d'o río Mur"). Dimpués de 1919 o nombre fue redescubierto y introdueito de nuevo por l'administración Yugoslava, alavez pa propositos administrativos. Manimenos no ganó guaire popularidat entre la chent local, que seguiba fendo servir "Marca Eslovena" dica meyatos d'a decada de 1920. Dimpués fue sustituito por "Marca d'o Mur" (en eslovén: Murska krajina), que esdevinió a denominación més usata dica a Segunda Guerra Mundial. L'actual toponimo hongaro pa Prekmurje Muravidék data d'este periodo y ye una traducción d'o eslovén Murska krajina. Estió dimpués d'a Segunda Guerra Mundial quan o toponimo Prekmurje esdevinió prenominan y reemplazó a escape a las anteriors denonimacions.

Actualment o viello termin Vendvidék encara existe en Hongría, pero només que pa denominar a chicota aria de población eslovena dentro d'Hongría entre Szentgotthard y a muga con Eslovenia, que quedó en Hongría dimpués de 1919.

Historia[editar | editar código]

Ha feito part d'o condato de Vas d'o Reino d'Hongría, de fueras de Lendava, que pertanyeba a lo Condato de Zala dende o sieglo XI dica 1526, y entre 1687 y 1849 y entre 1867 y 1918.

Esta rechión fue ocupata por Hongría dende 1941 dica 1944 en a Segunda Guerra Mundial, y dimpués restituita a la nueva Yugoslavia.

Veyer tamién[editar | editar código]