Prazeres (Calheta)

Prazeres
Freguesía de Madeira
Escudo
Freguesía de Prazeres en Calheta
Entidat  • Estato  • Rechión  • Municipio	Freguesía Portugal Madeira Calheta
Superficie  • Total	13 km²
Población  • Total  • Densidat	672 hab. (2001) 51,7 hab/km²

Prazeres ye una freguesía portuguesa d'o concello de Calheta, con 13 km² d'aria, una población de 672 habitants y una densidat de población de 51,7 hab/km². Prazeres tien una carretera que lo liga con Jardim do Mar. L'actividat prencipal ye l'agricultura. Tien monts a o norte, este y sud.

Prazeres dende a levada

Infraestruturas

Clube Desportivo e Recreativo dos Prazeres

O Clube Desportivo e Recreativo dos Prazeres ye una asociación esportiva local que refirma a os esportistas en as mas diferentes arias como o fútbol sala, badminton, chimnásia y atletismo.

O Clube Desportivo se troba situato en o a parti este d'a freguesia, chunto a la carretera rechional y tien a suya propia tabierna. A chunta de freguesía se sitúa en o mesmo edificio.

Entre as instalacions propias o Clube Desportivo e Recreativo dos Prazeres tien un campo de fútbol y un pavillón esportivo a on se pueden praticar actividatz en días de plevia.

Restauración

Existen quantos y buenos locals ta chentar en os Prazeres. Os Prazeres tien alto u baixo 7 restaurants a on pueden tastar-se quantos platos tradicionals. Dende l'abadeixo, dica as costiellas de tocín, pasando por una gran variedat de platos feitos en os diferents restaurants. Existe tamien un restaurant italián a on se pueden minchar os mas variatos platos orichinalment italianos como pizzas, lasanya u pasta entre atros.

Freguesías mugants

• Jardim do Mar, a l'ueste
• Estreito da Calheta, a o sud