Poseidón

De Biquipedia
Estatua de Neptuno en Bristol (Inglaterra).

Poseidón u Posidón (en griego antigo Ποσειδῶν) ye o dios d'o mar, as tronadas y, como «Achitador d'a Tierra», d'os tierratremos en a mitolochía griega. O nombre d'o dios marín etrusco Nethuns fue adoptau en latín ta Neptuno (Neptunus) en a mitolochía romana, estando toz dos dioses d'a mar analogos a Poseidón.

As tablas en lineal B amostran que Poseidón fue venerau en Pilos y Tebas en a Grecia micenica de finals d'a Edat d'o Bronce, pero fue integrau en o panteón olimpico posteriormente como chermano de Zeus y Hades. Poseidón tenió muitos fillos y estió protector de muitas ciudaz helenas, encara que perdió o concurso por Atenas contra Atena. Le'n dedicoron un himno homerico.