Portus Cale

De Biquipedia
Ir ta: navego, busca
O Portus Cale en l'actualidat: Porto en primer plan y Gaia en o fundo

Portus Cale yera o nombre d'una ciudat d'a Gallaecia romana que corresponde a l'actual ciudat portuguesa de Porto.

D'o suyo nombre proviene o de l'actual Portugal, ya que mientres l'Alta Edat Meya o norte de l'actual Portugal yera dito tamién condato de Portu Cale, ta esferenciar-lo d'o condato de Galicia. A denominación historica ta o territorio cubierto por os dos yera Galicia, heredando o nombre d'a Gallaecia romana.

Cale y Gaia[editar | editar código]

Mientres a primera parti d'o toponimo antigo (Portus) contina en o nombre de l'actual Porto, en a marguin dreita d'o Duero, se troba a a ciudat que prene o nombre d'a segunda parola d'o toponimo orichinal, Gaia. Ista localidat se troba situata debant de Porto, en a marguin cucha d'o mesmo río y se diz oficialment Vila Nova de Gaia.

Cale y Galicia[editar | editar código]

A radíz d'o nombre Cale ye, posiblement, a mesma que se troba en o nombre d'os kallaikoí u galaicos. Mesmo se diz que en o suyo orichen os galaicos serían un pueblo localizato en os arredols d'a foz d'o Duero y que dimpués o suyo nombre s'estendillo ta decir a o conchunto de populi situtatos a norte d'os lusitans. Encara que no deixa d'estar una hipotesi verosimil, se gosan citar casos parellans ta refirmar-la. O nome de l'actual Alemanya ye en realidat a estensión d'a designación d'una tribu, os alamans, a un conchunto de pueblos chermanicos. Grecia, nombre román ta designar a Elláda, ye atro caso parellán.