Poeta
Un poeta u una poetisa en femenín (d'o griego ποιεω, "fer" en aragonés) ye una traza especial d'escritor, que se caracteriza por escrebir en un chenero literario dito Poesía.
Alazetalment, os primers poetas conoixitos, mientres l'Antiga Grecia, como Homero, declamavan oralment as suyas obras, aduyando-se d'o ritmo d'a mosica, y ye facil que as rimas d'os versos tenesen una función mnemotecnica, ta facilitar-lis remerar os textos. Ye nomás quan se fixa o texto por meyo d'a escritura que a poesía s'independiza de raso d'a mosica, encara que mantiene en os suyos versos a estructura ritmica mosical.
Mudernament amanix o verso libre, en o qualo ya no bi ha rima en os versos, encara que gosa mantener-se a estructura interna propia d'a Poesía, a estructura mosical que li ye propia.
