Plantilla:País Balenzián/Tetular
O País Valencián u Comunidat Valenciana (País Valencià u oficialment Comunitat Valenciana en valencián; País Valenciano u oficialment Comunidad Valenciana en castellán) ye una comunidat autonoma d'Espanya situata en l'este d'a peninsula Iberica. O suyo territorio, d'o que fan parte as provincias de Alicant, Castellón, y Valencia, ye o de l'antigo Reino de Valencia, que estió acotolato en 1707 con os Decretos de Nueva Planta.
Muga a lo norte con Catalunya y Aragón, a l'ueste con Castiella-La Mancha y con Aragón tamién, y a lo sud con a Rechión de Murcia.
Os orichens d'o País Valencián como lo conoixemos se remontan a lo historico Reino de Valencia que yera drentro de la Corona d'Aragón y lo creyó Chaime I en o sieglo XIII en o contexto d'a conquiesta d'os reinos de taifas islamicos de Valencia, Denya, y parti de Murcia, y posterior colonización feudal a mans de catalans y aragoneses que trayeban tamién atros cristians d'atras tierras.
