Requena-Utiel

Requena-Utiel Plana d'Utiel
Comarca d'o País Valencián
Requena.
Capital  •Municipios	Requena 9
Entidat  •País  •Provincia	Comarca  País Valencián Valencia
Superficie  •Total	1725,90 km²
Población  •Total  •Densidat	(2005) 38.698 hab. 22.433,62 hab./km²
Mapa de situación en País Valencián

Requena-Utiel ye una comarca castellanoparlant d'o interior d'o País Valencián, situata en a provincia de Valencia y con capital en Requena.

Encara que historicament perteneixeba a la Corona de Castiella, s'incorporó a lo País Valencián en o sieglo XIX.

Muga por o norte y por l'ueste con Castiella-La Mancha, a lo noreste con Los Serrans, a l'este con a Fueya de Bunyol, a lo sud con a Val d'Ayora.

Parla

A parla d'a comarca d'Enguera-Utiel se clasifica en o castellán manchego, pero bi ha adstrato aragonés y catalán, visible en:

• Casos de palatalización d'a L- inicial: llatir, lladre
• Uso d'o verbo caler, arcaísmo castellán común con l'aragonés y catalán.
• Lexico con influencia aragonesa y catalana: apanyar, bajoca, baladre, corcar-se, fuchina, majo, melsa, morreras, pansío, repelar, rosigar, talegazo, tío, tresnal, rondalla, pansa, ansí.
• Casos de conservación d'a F inicial: falcar, fanfarria, femater, fuchina
• Evolucions d'a S inicial latina coincidents con l'aragonés: choto, chulla, chiflar, zuro.
• Conservacions d'as xordas intervocalicas coincidindo con l'aragonés y bell dialecto mozarabe: cayata, acachar.
• Participios adchectivalizatos fuertes, (con accentuación en a radiz, herencio en muitos casos d'un participio latín): pago, nublo, abrigo. Son arcaísmos castellans, pero nublo en concreto encara s'usa muito en Aragón, tanto en castellán d'Aragón como en aragonés.
• Deminutivo -ico, (arcaísmo castellán, propio d'o castellán oriental, usual en castellán d'Aragón pero que no ye chenuin de l'aragonés.