Pitbull (cantaire)

Pitbull
Pitbull
Información personal
Nombre	Armando Christian Uria Ruiz Pérez
Embotada	Pitbull
Naixió	15 de chinero de 1981 Miami, Florida
Murió
Información mosical
Orichen	Cubano
Estilo	Dance-pop, Electro Hop, Hip House, Reggaeton
Ocupancia	{{{Ocupanzia}}}
Instrumentos	Cantaire
Tiempo	2003–present
Discograficas	Mr. 305 Inc
Relacionato con	Lil Jon, Nayer, Jennifer Lopez, Enrique Iglesias
Pachina web

Armando Christian Pérez (naixito de Miami, Florida, o 15 de chinero de 1981), mas conoixito con a embotada de Pitbull, ye un cantaire y productor estatounitense d'orichen cubano. A suya primera aparición estió en 2002, colaborando en l'álbum Kings of Crunk de Lil Jon, dos anyos dimpués quitaría o suyo primer disco con a discografica TVT Records, que levaba por títol M.I.A.M.I. (sieglas de Money Is a Major Issue). Dende alavez, quitó atros dos álbums con ixa mesma discografica, El Mariel en 2006 y The Boatlift en 2007. En l'anyo 2009 amaneixe Rebelution, que encluye os singles "I Know You Want Me (Calle Ocho)" y "Krazy". Iste zaguero arribó a o numero 30 d'a lista Hot 100 y a o numero 11 en a lista Hot Rap Tracks mientres que "I Know You Want Me" puyó enta o numero 2 de Hot 100 y enta o mas alto d'as listas d'exitos en o Reino Unito, Canada, Italia, y os Países Baixos. Seguntes a revista Billboard, a canta yera numero 1 en Francia y en a lista europea de Hot 100 en o cabo de semana d'o 29 d'agosto de 2009. Dimpués d'istos exitos, Pitbul sinya un contracto con a discografica de hip hop y R&B Polo Grounds Music a traviés de Sony Music ta creyar a suya propia firma, Mr. 305 Inc. Atros singles de l'álbum Rebelution encluyen "Blanco" con a colaboración de Pharrell Williams y The Neptunes y "Hotel Room Service", que sería numero 8 de Hot 100. O conchunto d'as vendas de l'álbum Rebelution y os suyos singles estió de mas de 7.5 millons en tot o mundo.

D'atra man Pérez ye presentador d'o programa en castellán La Esquina en a canal de televisión por cable Mun2.

En 2005 Pérez y o rapero Sean 'Diddy' Combs fundoron Bad Boy Latino, una subsidiaria d'a companyía discografica de Combs, Bad Boy Records. Ista discografica se centra mas que mas en rap latino, soul latino y mosica tropical, y tien a suyas seus en Miami y Nueva York. Amás d'estar o fundador, Pérez ye tamién qui diriche en l'actualidat a sección d'A&R d'a discografica.

Atra d'as facetas de Pérez ye a de productor, representando entre atros a Drake, Rihanna, u Trey Songz y fendo parti d'a campanya publicitaria “Vida 23” d'a marca de bebidas Dr Pepper a traviés d'una canta en o suyo álbum Armando.

Discografía

• M.I.A.M.I. (2004)
• El Mariel (2006)
• The Boatlift (2007)
• Rebelution (2009)
• Armando (2010)
• Planet Pit (2011)