Pimiento

De Biquipedia
Ir ta: navego, busca

O pimiento[1] (pronunciau /pim'jento/ u /pim'janto/) ye o fruito comestible d'a pimentera domestica (Capsicuum annuum), una solanacia herbacia orichinaria de Sudamerica extensament cautivada por tot o mundo en l'actualidat.

Botanicament, o pimiento ye una baya de textura semi-cartilachinosa. En bellas variedatz se troba unflada d'aire, bofa (vueda por adintro), y con un releve pleno de protuberancias por o exterior. As simients se troban adheridas en a columnela central. Os diferents pimientos pesan dende tansament bells gramos dica más de 500.[2]

Como muitas atras hortalicias, en l'actualidat i ha numerosas variedatz de pimientos creyadas por selección artificial. Muitos pimientos de gusto dulce s'emplegan como verduras. Atras variedatz, más picants, gosan estar mas chicorronas y menos carnosas, y s'emplegan como condimento u especia.[2] Os pimientos que, por variedat -como as guendillas- u porque s'han quedau asinas en o desarrollo, son más menudos y finetz reciben en aragonés a denominación popular de «corals» u «cornetas».[1]

Se veiga tamién[editar | editar código]

Referencias[editar | editar código]

  1. 1,0 1,1 (an) VIDALLER TRICAS, Rafel (2004); Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza. ISBN 978-84-8986-235-7
  2. 2,0 2,1 (es) El cultivo del pimiento; consultada l'1 de chinero de 2013.