Pica pica

De Biquipedia
Ir ta: navego, busca
Garza
Garza
Garza (Pica pica)
Estato de conservación
Status iucn2.3 LC.svg
Seguro.
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Passeriformes
Familia: Corvidae
Chenero: Pica
Especie: P. pica
Nomenclatura binominal
Pica pica
Linnaeus, 1758

A garza u picaraza (Pica pica (L., 1758)) ye un muixón d'a familia d'es corvidos con a cabeza, coda y patas caracteristicament de color negra, mientres que lo vientre el tien de color blanca. A coda ye tamién singularment larga.

Garza volando.

As plumas d'a suya coda y alas pueden manifestar brilors azulencas u verdas pendendo d'a luz. As alas son curtas y arrondoladas per as ripas. Tien un caracteristico grito que diz cha-cha-cha-cha, que en es polletz se manifiesta més como chilo. Per tanto, son d'es pocos corvidos que no grallan.

Ye un muixón de fácil identificar y muito abundant. Se puet trobar dende a Peninsula Iberica enta l'Extremo Orient, con poblacions encara en America d'o Norte d'una subespecie semellant, y también en o norte d'Africa. As suyas midas van entre es 40 y es 45 cm de longaria, plegando enta 60 cm d'amplaria d'as alas.

Una d'as trazas més conoixitas d'es masclos d'istes animals ye la suya falaguera de cullir obchectos brilants en l'epoca de zelo suyo, emplegando-los ta rondar as fembras con ells. También ells ponen en o suyo niedo, que ye caracteristicament redondo, feto con un ret de brancas y palos.

Trivialidatz[editar | editar código]

En l'Alto Aragón, sobretot entre la chent de més edat, encara s'emplega la parola "garza" como a piropo ta designar quan una muller ye beroya. Isto amuestra l'apreciación que en a cultura aragonesa se ha feto d'istes muixons, fendo mas atención a las suyas colors y plomas que no a altras trazas d'a suya conducta, y resulta curioso si se contimpara con altros puestos d'Espanya, a on istes animals son muito mal consideratos.

Diversidat[editar | editar código]

Actualment es ornitologos en distinguen a-saber-las subespecies arredol d'o mundo. As prencipals se pueden veyer en o siguient mapa.

Poblacións de Pica pica en o mundo. Verde: Pica p. pica, Verde claro: P. p. asirensis, Verde mazana: P. p. bactriana, Royo: P. p. bottanensis, Verde fosco: P. p. fennorum, Azul: P. p. galliae, Turquesa: P. p. germanica, Amariello: P. p. hemileucoptera, Violeta: P. p. hudsonia, Marrón: P. p. jankowskii, Narancha claro: P. p. japonica, Azul fosco: P. p. kamtschatica, Rosa claro: P. p. leucoptera, Narancha: P. p. mauritanica, Azul claro: P. p. melanotos, Rosa: P. p. nuttalli, Royo fosco: P. p. sericea

Vinclos externos[editar | editar código]