Phoenicurus ochruros

De Biquipedia
Ir ta: navego, busca
Culroi
Culroi
Masclo de culroi (Phoenicurus ochruros).
Estato de conservación
Status iucn2.3 LC.svg
Seguro.
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Passeriformes
Familia: Muscicapidae
Chenero: Phoenicurus
Especie: P. ochruros
Nomenclatura binominal
Phoenicurus ochruros
S. G. Gmelin, 1774
Distribución
Destribución d'o P. ochruros en o mundo.

O Culroi (per metatesi, tamién curloi), culroyo u codarroya (Phoenicurus ochruros (S. G. Gmelin, 1774)) ye un muixón tipico d'o viello mundo, en a familia d'as muscicápidas y lo chenero Phoenicurus. Se troba a sobén en as proximidatz d'as zonas humanizatas, en ciudatz y villas en parques y chardins. Fa bells 14 cm de lonchitut e dica 25 cm d'ubritura d'alas (ixo ye, la meda d'un gurrión).

Os masclos adultos tienen una coloración que ye bien caracteristica, negra per tot lo cuerpo (bellas vegatas, con un capeluz més griso en alto d'a cabeza), cualcuns con partes més greciscas per debaixo. Toz tienen brilluras metalicas en as plumas. E la coda tanto masclos como fembras la i tienen roya u narancha royisca, y d'ixo prenen o nombre. As fembras gosan estar marrons.

Fembra.

Como altras chinchiperas, gosan bater la codeta carateristicament t'alto e baixo quan se son posatos en una rama u palo. A canta d'o culroi se pareix muto a la d'o papirroi, y ye un grito aspro e aguto, una miqueta como lo ronar d'un fierro robinato. Fan o niedo debaixo las tolas d'os tellatos y en qualques foratos d'as paretz, pero en a naturaleza tamién en as pennas en alto. Crían en dos tongatas cada anyata, d'entre os meses de mayo y agosto, ficando per regular d'entre quatre y seis uevos.

Minchan lulez, moras, insectos y simients. Se troban per tot Europa menos Islandia y Gronlandia, tot Asia menos la peninsula de Malasia, Felipinas y Indonesia, y lo norte d'Africa.

Se veiga tamién[editar | editar código]

Vinclos externos[editar | editar código]