Pest

Pest
Localidat d'Hongría
Pest dende Buda
Estato  • Condato	Hongría Pest
http://www.budapest.hu/

Pest (pronunciato en hongaro ˈpɛʃt) ye a parti occidental d'a ciudat de Budapest, Hongría, ocupando quasi dos tercios d'o territorio total d'a ciudat. Ye deseparata de Buda, l'atra parti de Budapest, por o Danubio. Entre os suyos molimentos mas conoixitos se troba o destrito de Belváros, incluyindo o Parlamento d'Hongría, a Plaza d'os Héroes y l'Avenita Andrássy. En hongaro coloquial, se gosa fer referencia a la ciudat de Budapest como "Pest".

Etimolochía

O nombre Pest viene d'a parola eslava que significa "furno" (en bulgaro пещ ['peʃt]; en serbio "пећ/peć"; amprato en rumán como peșteră con significato d'"espelunga"), probablement fendo referencia a una espelunga local a on bi heba fuego.

Historia

Buda y Pest son conectatas por o Puent d'as Cadenas.

Pest estió una ciudat independient, d'a que se tienen os primers datos en 1148. En l'antigüidat bi habió asentamientos celtas y romans. Pest se convirtió en un important centro economico mientres os sieglos XI y XIII. Fue destruita en 1241 por a invasión mongola de Hongría, pero se tornó a reconstruir dimpués. En 1838 fue inundata por o Danubio. En 1849 se construyó o primer puent en suspensión, o Puent d'as Cadenas, ta trescruzar o Danubio y unir Pest con Buda. En zagueras, en 1873, as dos ciudatz s'unioron con Óbuda ta formar Budapest.

Se veiga tamién

• Budapest
• Belváros
• Condato de Pest
• Újpest (Nueva Pest)

Biografía

• (hu) Beksics, Gusztáv: Magyarosodás és magyarositás. Különös tekintettel városainkra. Budapest, 1883
• (hu) A Pallas nagy lexikona: Budapest