Imperio Safavida
| Imperio Safavida | ||||
|---|---|---|---|---|
|
||||
|
||||
 |
||||
| Capital | Kazvin, Ispahan | |||
| Idioma oficial • Atros idiomas |
persa azerí, kurdo |
|||
| Relichión | xiismo, sunnismo, cristianismo | |||
| • Os kizil bax prenen Tabriz dirichitos por o Xah Ismail | 1501 | |||
| • Derrota d'os safavidas en a batalla de Gulnadabad | 1722 | |||
.png)
O Imperio Safavida u Imperio Sefevida fue creyato en l'anyo 1501 por o Ismail, mayestre mayor d'a orden safavida, qui dirichindo a los kizil bax prenió Tabriz. Se proclamó xah, encomenzando a dinastía safavida y establió o xiismo duodecimán como relichión oficial y obligatoria. O poder teneba tres bases: o poder militar representato por os kizil bax, a burocracia y os xiitas. O rechimen sefevida persiguió o cristianismo, en especial o nestorianismo d'os asirians. O estato safavida estió enemigo natural d'o Imperio Otomán y d'os khanatos uzbecos. Dimpués d'a derrota en a Batalla de Caldirán en l'anyo 1514 contra os otomans os kizil bax deixoron de creyer en Ismail y representoron un factor d'inestabilidat. O xah Abbas encara podió defensar o estato d'as amenazas externas, pero os suyos succesors fuoron perdendo poder dica que una revuelta afgana remató con a hechemonía politica d'os sefevidas en a batalla de Gulnadabad en l'anyo 1722. En o periodo safavida s'aceleró o proceso de turquización de l'actual Azerbaichán contribuindo a la etnochenesi d'os azerís. Os safavidas y os otomans facioron servir a los kurdos como "etnia-tampón" entre lurs respectivos imperios y d'esta traza os armenios y os asirians perdioron importancia numerica en lurs tierras d'orichen.
