Pero V d'Aragón

De Biquipedia
Ir ta: navego, busca
Pero V d'Aragón
Rei d'Aragón y conte de Barcelona

1464-1466
Predecesor Henrique IV de Castiella
Succesor Renato I de Nápols

1464-1466
Predecesor Henrique IV de Castiella
Succesor Renato I de Nápols

Naixencia 1429
Muerte 1466
Siñal d'Aragón.svg Granollers
Enterreco Santa Maria d'a Mar, Barcelona
Casa Reyal Casa d'Avis
Pai Pero de Portugal
Mai Isabel d'Urchel y d'Aragón

Escudo de Pero V d'Aragón

Pero V d'Aragón u Pietro V d'Aragón, dito o Condestable de Portugal (1429 - †Granollers, 1466) estió rei d'Aragón y conte de Barcelona (1464-1466) mientres a luita contra Chuan II. Succedió a Henrique IV de Castiella.

Fillo de Pero de Portugal, duque de Coimbra y rechent de Portugal, y d'Isabel d'Urchel y d'Aragón, filla de Chaime II d'Urchel, un d'os pretendients a la cadiera reyal aragonesa mientres o Compromís de Casp.

En 1443, mientres o suyo pai yera rechent, iste lo nombra contestable de Portugal, esdebenindo doncas en a masima autoridat melitar d'o reino dimpués d'o rei. En 1444 estió nombrato tamién caballero y Gran Mayestre d'a Orden d'Avis, a mas important de Portugal. En 1448, a l'arribar o rei Alifonso V a la mayoria d'edat, o suyo pai habió de deixar a rechencia. O nuevo rei, influyenciato por Alifonso I de Braganza, enemigo personal de Pero de Portugal, anuló totas as lais promulgatas mientres a rechencia d'iste, y en 1449 Alifonso V le declaró a guerra y lo redotó en a batalla d'Alfarrobeira. Pero de Portugal morió en a batalla y Pero o Condestable s'habió d'exiliar en Castiella.

En 1454, Pero se reconcilló con Alifonso y tornó ta Portugal a on se le tornoron os suyos biens y cargos. En 1458 luitó chunto a o rei en a conquiesta d'Alcacer Ceguer y en la de Tancher en 1460.

En 1463, as institucions catalanas d'a Corona d'Aragón, que se trobaban en guerra civil con o rei Chuan II, le ofreixioron a corona. En 1464, Pero fue proclamato conte de Barcelona por o Consello de Ciento. Reina nomás en Catalunya. No reinó en Valencia, a on continaba reinando Chuan II. Contrimostró estar poco hábil en a luita contra Chuan II y iste prenió Leida, Vilafranca del Penedès, Igualada, Cervera y Tortosa y redotó a Pero en Calaf, en 1465.

Pero morió d'una malautía en Granollers o 1466 y fue apedecato en a ilesia de Santa Maria d'a Mar, en Barcelona.

Dimpués d'a suya muerte, as institucions catalanas ofreixioron a corona a Renato I de Nápols que lo succedió.


Predecesor:
Enrique IV de Castiella
Rei d'Aragón
Conte de Barcelona

1464-1466
Succesor:
Renato I de Nápols