Pero López de Luna

Pero López de Luna y Ximénez d'Urreya
Arcebispe de Zaragoza
Bispe de Zaragoza
1317-1318
Predecesor	Eximeno de Luna
Arcebispe de Zaragoza
14 de chunio de 1318 - 22 de febrero de 1345
Succesor	Pero de Jugie
Naixencia	Figueruelas (Ribera Alta de l'Ebro, Aragón)
Muerte	22 de febrero de 1345 Figueruelas (Ribera Alta de l'Ebro, Aragón)

Pero López de Luna y Ximénez d'Urreya estió lo zaguer bispe y primer arcebispe de Zaragoza, entre 1315 y 1345. Ye naixito de Figueruelas en anyo desconoixito, y morió lo 22 de febrero de 1345 en Figueruelas.

Estió abate primero, dimpués calonche de la Seu de lo Salvador de Zaragoza, plegó a bispe lo 26 de marzo de 1317, y Chaime II d'Aragón li encargó que la seu metropolitana de Zaragoza s'independizase de la Tarraconense. Lo nombroron arcebispe de l'Archidiocesi de Zaragoza en 1318. Tamién estió consellero reyal.

Lo 9 de setiembre de 1321, se trobaba en lo castiello de Val de Robres recibindo a los suyos vasallos de Mazalión y aprobando lurs privilechios, costumbres y usanzas.

Consiguió pa los suyos vasallos de la Tinenza de Penya d'Aznar la Gaya u de Val de Robres que lo rei Chaime II d'Aragón lis atorgase lo privilechio de la exempción d'impuestos de peache, lezda, peso, pesache, mesura, portazgo y ribache pa cutio.

Mientres lo suyo mandato se fundó la capellanía perén de Foz Espalda. En lo suyo arcebispato se costruyó la ilesia de Val de Robres, y i podemos veyer lo suyo escudo d'armas en la suya tribuna. Lo suyo escudo tamién ye en lo portal de Sant Gregorio de Bezeit.

Bibliografía

• Enrique Puch Foncuberta: "Las obras de los arzobispos de Zaragoza en la iglesa y el castillo". Programa de fiestas de Val de Robres de 1994.

Vinclos externos

• (es) Pedro López de Luna y Ximénez de Urrea en a pachina web d'a Gran Enciclopedia Aragonesa.

Predecesor: Eximeno de Luna	Bispe de Zaragoza 1317-1318	Succesor: -
Predecesor: -	Arcebispe de Zaragoza 14 de chunio de 1318-22 de febrero de 1345	Succesor: Pero de Jugie