Pero II d'Aragón

De Biquipedia
Ir ta: navego, busca
Pero II d'Aragón
Rei d'Aragón y conte de Barcelona
Pietro II d'Aragón.jpg
Pero II d'Aragón

1196-13 de setiembre de 1213
Predecesor Alifonso II
Succesor Chaime I

1204 - 13 de setiembre de 1213
Predecesor María de Montpeller
Succesor Chaime I

Atros títols
Conte de Chirona, Osona y Cerdanya, Besalú, Pallars Chusán y Ribagorza
Naixencia chulio de 1178
Siñal d'Aragón.svg Uesca (Reino d'Aragón)
Muerte 13 de setiembre de 1213
Flag of Occitania.svg Muriel (Occitania)
Enterreco Santa María de Sixena
Conchuche/s María de Montpeller
Pai Alifonso II d'Aragón
Mai Sancha de Castiella y Polonia

Pero II d'Aragón u Pietro II d'Aragón, o Catolico (Uesca, chulio de 1178[1] - †Muriel 1213) estió rei d'Aragón, conte de Barcelona, Chirona, Osona, Besalú, Cerdanya, Pallars Chusán y Ribagorza (1196 - 1213), y sinyor de Montpeller (1204-1213).

Ascendents y descendents[editar | editar código]

Naixió lo mes de chulio de 1178 en Uesca, an que i yera o suyo pai, Alifonso II lo Casto, qui en ixe mes atorgó a lo menos dos documentos. Fue baptizau en a Seu de Uesca y i pasó a suya infancia criau per a suya ama Sancha de Torres.[1]

Aquesti don Alfonso procreó de su muller III fillos e III fillas, es asaber: don Pero, que depués dél sucidió el regno de Aragón e los condados de Barçalona e de Besaldu e de Cerdeynna, Rosellón e Pallas; et Alfonso que sucedió en el condado de Proeniça; e Ferrando que fue abat de Montaragón. De las fillas, la una ovo nombre Gostanca e fue muller del rey d'Ungría, et por tal como el rey de Ungría murió luego, la dita Gostanca se tornó en Aragón; et a la otra Leonor e a la otra Sancha.
[2]

Fillo y succesor d'Alifonso lo Casto y de Sancha de Castiella a la cadiera reyal d'a Corona d'Aragón a la muerte d'o suyo pai en 1196.

Por o testamento d'Alifonso II lo Casto, Pero heredaba Aragón y Catalunya, asinas como los condatos que en dependeban, mientres o suyo chirmán Alifonso II a Provenza.

O 15 de chunio de 1204 se casa con María de Montpeller y n'obtiene os dreitos sobre ista ciudat. A escape intentó rebuyar-la, sin d'exito, ta casar-se con María de Montferrat, heredera d'o reino de Cherusalem. D'ista unión en naixioron:

Tamién Pero tenió dos fillos ilechitimos:

L'anyada de 1204 se fació coronar en Roma por o Papa Inocencio III.

Politica peninsular[editar | editar código]

En Catalunya consiguió engayolar a Guerau de Cabrera, que heba ocupato os suyos dominios d'o condato d'Urgell.

Con Castiella as relacions estioron prou buenas, ya que yera fillato d'Alifonso VII de Castiella. Sinyó un tractato que establiba la muga Agreda-Tarazona entre iste reino y Aragón y aduyó a lo suyo primo Alifonso VIII de Castiella contra os reis d'o Leyón y de Navarra.

Participó, con os reis ibericos en a batalla d'as Landas de Tolosa, victoria d'os cristians sobre os almuades que premitió a rapeda conquista d'Andalucía.

Política occitana[editar | editar código]

En setiembre de 1196 as Cortz de Daroca confirmoron ista doble función: Pero en Aragón y Alifonso en Provenza. Anque Pero siempre estió intresato en a Provenza y os suyos estatos vecins. Asinas s'explica como ya en o 1204 obligó a lo suyo chirmán Alifonso II de Provenza a fer as paces con o conte Forcalquer, aliato de Pero II.

En 1206 habió de luitar contra os habitants de Montpeller revueltos contra la suya presona. Dende 1209 y con a conquista de Besiers y de Carcasona por parti de Simón de Monfort, protechió los sinyors de Languedoc, recullió os homenaches d'os contes de Tolosa, Comenche y Foix, y intentó a reconciliación que li demandaba Inocencio III en o tema d'o catarismo. Dió a tutela d'o suyo fillo Chaime a Simón y preparó lo casorio entre Ramón VII de Tolosa y a suya chirmana Alionor. As suyas prebatinas de pacificación no estioron buenas. Allora buscó a guerra contra Simón de Monfort. O 12 de setiembre de 1213, Pero II prebó de prener Muriel, un lugar d'o sur de Tolosa, an se cubillaban os hombres de Simón. Os suyos caballers no podioron dentrar-ie y habioron a contraofensiva d'os franceses sobre o suyo exercito, muito más numeroso. Pero II s'arriesgó y os hombres de Simón que lo troboron en a batalla de Muriel lo matoron. Os suyos caballers, veyendo a muerte d'o rei, fuyoron.

Apedecoron a Pero en o priorato d'Hespitalers de Sixena, establito en 1188 por Sancha de Castiella, a suya mai.


Predecesor:
Alifonso II
Rei d'Aragón
1196 - 1213
Succesor:
Chaime I


Referencias[editar | editar código]

  1. 1,0 1,1 Antonio Ubieto Arteta: Creación y desarrollo de la Corona de Aragón, Zaragoza, Anubar (Historia de Aragón), 1987, págs. 187-188. ISBN 84-7013-227-X.
  2. Carmen Orcastegui Gros. CRONICA DE SAN JUAN DE LA PEÑA (Versión aragonesa). Edición crítica [1].