Pero Ferrández d'Íxar y Chil

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pero Ferrández d'Íxar y Chil
Barón d'Íxar

12991322
Predecesor Pero Ferrández d'Íxar
Succesor Alifonso Ferrández d'Íxar y Anglesola

Muerte 1322
Enterreco Ilesia de los Predicadors de Zaragoza
Conchuche/s María Ferrández de Luna, Gostanza Maza Bergua, Cilia d'Anglesola
Descendencia Marquesa Ferrández y Anglesola, Sibila Ferrández y Anglesola, Alifonso Ferrández d'Íxar y Anglesola
Dinastía Casa d'Íxar
Pai Pero Ferrández d'Íxar
Mai Marquesa Chil de Rada

Pero Ferrández d'Ixar y Chil, dito lo senyalero estió lo segundo sinyor d'Íxar. Yera fillo de Pero Ferrández d'Íxar y de Marquesa Chil de Rada.

Se casó tres vegadas, la primera con María Ferrández de Luna, la segunda con Gostanza Maza Bergua, y la tercera con Cilia d'Anglesola, tenendo tres fillos con la tercera: Marquesa Ferrández y Anglesola, Sibila Ferrández y Anglesola, Alifonso Ferrández d'Íxar y Anglesola.

Accions en la Baronía d'Íxar[editar | modificar o codigo]

Adhibió a la sinyoría d'Íxar la metat de Belchit y la Pobla d'Albortón por matrimonio. Churó los privilechios d'Íxar en un texto en aragonés.

Sepan todos omnes que martes día de Sant Luch 17 días andados de Octubre fue cridado concello publicament por la villa de Ixar y aplegado de los vecinos del mismo lugar en el castiello de Ixar ante el noble don Pero Ferrandez sennior del dicto lugar, filius que fué del noble don Pero Ferrandez et donna Marquesa Gil de Rada muller del, sennyores que fueron de Ixar et demostraron el dicto concello y leyer ficieron ante el dicto noble el privilegio de la población de Ixar

En 1307 lo concello d'Íxar entabló pleito con lo concello d'Alcanyiz por las mugas d'una defesa, pleito que perdió.

Fundó lo Hespital de la Santa Cruz en Íxar con un reglamento escrito en aragonés:

con cuatro leitos para recibir freires y personas honradas que por dios querran allí albergar

Consiguió de lo Papa Chuan XXII puyar a la categoría de colechiata a la ilesia parroquial en l'anyo 1319.

Accions fuera de la Baronía[editar | modificar o codigo]

En l'anyo 1304 intervinió en la partición de lo Reino de Murcia.

Lo 15 d'abril de 1309 fue nombrau Alférez Senyalero Mayor de la Santa Ilesia Romana por o rei d'Aragón, cargo dito gonfonalero:

Sepan todos hommes que como nos, don Pero Ferrández, sennyor de Ixar, senyalero de la Santa Yglesia de Roma, por el sennyor rey, de liçençia e ordenamiento del sinyor papa Juhan XXII que agora yes...

Lo 19 d'abril de 1311 asiste a las corz d'Aragón que se celebroron en la Seu de Sant Salvador de Zaragoza

En 1316 lo rei lo ninvió ta Nápols y Sicilia pa concertar a paz entre los reis Roberto d'Anchú y Fadric III, aproveitando un viache ta Palermo de lo sinyor d'Íxar por motivos personals.

A primers de 1318 renunció a las suyas honors a favor de lo suyo fillo Alifonso, pero no renunció a la ideya d'esdevenir cruzau, y en 1318 se'n fue ta Tierra Santa por petición de lo rei dende lo 7 de setiembre de 1316.

Ingresó como flaire en la Orden de Santo Domingo de Guzmán y ordenó en lo suyo testamento lo 6 de chinero de 1318 de ser apedecau en la Ilesia de los Padres Predicadors de Zaragoza.

Wikisource
Wikisource
En Wikisource bi ha un texto sobre Oldwikisource:Pero Ferrández chura os privilechios d'Íxar.


Predecesor:
Pero Ferrández d'Íxar
sinyor d'Íxar
1299-1322
Succesor:
Alifonso Ferrández d'Íxar y Anglesola


Bibliografía[editar | modificar o codigo]