Peridot

De Biquipedia
Ir ta: navego, busca
Peridot
Peridot2.jpg
Caracteristicas chenerals
Categoría: Nesosilicatos
Clase: 9.AC.05
Formula quimica: (Mg,Fe)2SiO4
Propiedatz fisicas
Color: Amariella verdenca, verde olivacia, a vegatas verde lima
Raya: Blanca
Lustre: Vitrio
Sistema cristalín: Ortorrombico
Trencadura: Concoidal
Dureza: 6,5 - 7
Densidat: 3,5

O peridot ye a forma de l'olivín que se fa servir como chema.

Un chacimiento muito important de peridot se troba en a isla de Sant Chuan (tamién dita Zabargad u Zebirguet) en a Mar Roya, espleitato mientres 3.500 anyatas.

Etimolochía[editar | editar código]

A etimolochía d'a parola ye dudosa. Beluns la fan remontar a l'arabe faridat, que significa "chema". En o Oxford English Dictionary suchieren que ye una alteración d'a parola anglonormanda pedoretés, d'o latín clasico pæderot, una clase d'opalo.

Tamién existe a denominación de "crisolita". Ye dudoso que o Chrysolithos de Plinio o Viello fuese o peridot, y beluns creyen que debeba estar o topacio.

En a traducción aragonesa d'o "Libro d'as Marabillas d'o Mundo" nombran tanto a la crisolita como a lo peridot:

Item por de jus la tabla de lemp(er)ador & las otras tablas de cerca / et por de juso vna p(ar)tida dela sala ay vna viyn(n)a de fin oro q(u)i es estendida por de suso et y a muchas grapas de vuas bla(n)cas de amariellas vermeillas verdes & negras todas de piedras p(re)ciosas. las blanca son de xp(ist)al & de berula & de yris / las amariellas son destopacio las vermeillas son de Rubis de granas & de alebandine / et las verdes son desm(er)alda de perides & crisolites / Et las neg(r)as son de onices & de geratices / et son todas assi p(ro)p(r)iame(n)t fechas que sembla q(ue) sean drechas vuas

En os manuscritos alchamiaus d'Almonezir de la Sierra trobamos a parola zabarchud que Touria Bohmehdi Tomasi traduce como "topacio" u "crisolita",[1] y que etimolochicament se relaciona con la isla a on ye o celebre chacimiento de peridot.

Referencias[editar | editar código]

  1. Touria Bouhhedi Tomasi: Una miscelánea aljamiada y doctrinal. Edición y estudio del manuscrito junta 27 del CSIC Madrid. Institución Fernando el Católico, 2012 p 489