Pere Bosch Gimpera

De Biquipedia
Ir ta: navego, busca
Pere Bosch Gimpera

29 de chunio de 1937 – 1 d'abril de 1939
President Lluís Companys
Precedito por Joan Comorera i Soler
Succedito por Disolución d'o Gubierno

18 de chulio de 1933 – 22 de febrero de 1939
Precedito por Creyación d'a Universidat
Naiximiento 22 de marzo de 1891
Flag of Catalonia.svg Barcelona (Barcelonés, Catalunya)
Muerte 9 d'octubre de 1974
Flag of Mexico.svg Ciudat de Mexico (Mexico)
Partito Acció Catalana
Conchuche Josefina García
Profesión Historiador, prehistoriador y catedratico
Alma Máter Universidat de Barcelona

Pere Bosch Gimpera u Pere Bosch i Gimpera (tamién gosa trobar-se como Pere Bosch-Gimpera u castellanizato como Pedro Bosch Gimpera), naixito de Barcelona (Barcelonés) o 22 de marzo de 1891 y muerto en Ciudat de Mexico (Mexico) o 9 d'octubre de 1974, estió un historiador, prehistoriador y catedratico catalán, refuchiato en Mexico en rematar a Guerra Civil espanyola adquirindo-ne ixa nacionalidat en 1971.

Formato academicament en a Universidat de Barcelona, enampló estudeos en Berlín, esdevenindo una destacata fegura en o campo d'a Prehistoria d'a peninsula iberica. Catedratico d'ixa especialidat dende 1916 en a Universidat de Barcelona, esdevenió o primer rector d'a Universidat Autonoma de Barcelona o 18 de chulio de 1933.

Antiparte, partidario d'o nacionalismo catalán y melitant d'Acció Catalana, estió engarcholato en 1934 por as suyas actividatz nacionalistas, y en a Guerra Civil, mientres o Gubierno de Lluís Companys (1937-1939) estió Consellero de Chusticia d'a Cheneralidat de Catalunya.

Dende a nueva Universidat de Barcelona controlata por o franquismo s'organizó contra ell una campanya de desprestichio, pero en l'exilio estió profesor en a Universidad Nacional Autónoma de México, amás de chefe d'a División de Filosofía y Humanidatz d'a UNESCO.

Obras[editar | editar código]

  • 1913: El problema de la cerámica ibérica.
  • 1914: Grecia y la civilización crético-micénica.
  • 1919: Prehistòria catalana.
  • 1920: La arqueología preromana hispánica.
  • 1926: Historia de Oriente.
  • 1934: Etnologia de la península ibèrica.
  • 1945: El poblamiento antiguo y la formación de los pueblos de España.
  • 1960: El problema indoeuropeo.
  • 1960: Cataluña, Castilla, España.
  • 1974: Paleontología de la península Ibérica.