Penyagolosa
| Penyagolosa | |
 |
|
|
|
|
| Situación | Sierra de Gúdar, Castellón, a man de la muga con Teruel |
| Latitut | 00º 20' 57 |
| Lonchitut | 40º 13' 33 |
|
|
|
| Cordelera | Sistema Iberico |
| Altaria | 1.813 m |
|
|
|
| Primera puyada | |
| Rota mas fácil | Dende a ermita de Sant Chuan de Penyagolosa |
|
|
|
 |
|
La Tuca de la Penyagolosa ye lo segundo pico més alto de lo País Valencián con 1.813 metros d'altaria sobre lo nivel de la mar, dezaga de lo Cerro Calderón en lo Rincón d'Ademuz.
La Penyagolosa ye tan alta que se vei dende muitos kilometros arredol, tanto dende bellas zonas de Castellón y Gúdar-Chabalambre, como dende lo Tossal dels Tres Reis (Puertos de Bezeit).
La vechetación ye principalment pinetas que no son que una continación de las pinetas de la Sierra de Gúdar teruelana. Lo barranc de la Pegunta ye una microreserva botanica y existe un itinerario senyalizato con los nombres d'as especies. A man de la Penyagolosa, por lo camín de Puerto Mingalvo, bi ha una selva de lo caxico Quercus pyrenaica, la unica de Castellón. Bi ha presencia d'especies de distribución eurosiberiana como Podarcis muralis. Tamién bi ha una población relicta de Salamandra salamandra, a unica de Castellón, a lo costato de la provincia de Teruel on no bi n'ha garra cita confirmata. Por totas las suyas valuras naturals la Cheneralidat Valenciana lo declaró Parque Natural en 2006.
Lo macizo montanyoso de la Penyagolosa fa de muga entre L'Alto Millars y L'Alcalatén, y doncas como lo Turbón fa de muga lingüistica, n'este caso entre lo catalán a lo norte e lo castellán a lo sud (antigament entre lo catalán y l'aragonés).
A man de la tuca ye la ermita y antigo monesterio de Sant Chuan de Penyagolosa, lugar de pelegrinache pa los pelegrins de Las Useras. L'abundant torismo que recibe los cabos de semana ye atra traza de pelegrinache.
Toponimia[editar]
S'han buscato diferens explicacions de lo suyo nombre como Penya Glaçosa por lo chelo que d'antes duraba muito en a suya tuca, u PINNA LUGOSA fendo-la derivar de lo dios celta Lug, y presuposando que yera una montanya sagrata. A hipotesi més fiable la fa derivar de PINNA COLOSA, por sonorización de la C- latina, y se puet notar més bien dende la versant churra u versant sud por la carretera que va dende Puerto Mingalvo ta Castiello de Villamalefa, destacando muito entre los atros releus en cuesta como un Coloso.
Un toponimo pareixito mos trobamos en lo termin municipal de Bronchals: Penya Cabezacolosa, un mont de 1770 m d'altaria.
Penyagolosa ye mencionata en a Bula d'Hadrián IV d'o 22 de chunio de 1158:
Curiosidatz[editar]
Penyagolosa ye una muga lingüistica por estar muga de diocesi, uno d'os cabos d'a diocesi de Zaragoza d'alcuerdo con a Bula d'Hadrián IV. D'esta traza Chodos y Vistabella son catalanoparlants por haber perteneixito a la diocesi de Tortosa y Villafermosa ye castellanoparlant churra (y antigament aragonesoparlant).
Bibliografía[editar]
- Emili Casanova: La fontera lingüística castellano-catalana en el País Valenciano. Revista de Filología Románica Vol 18, (2001) 213-260. [1]
