Penya Salada

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Penya Salada
Versant oriental de la Salada.
Versant oriental de la Salada.
Situación
Situación El Toro (Castellón)
Abechuela (Teruel)
Latitut 39.982511
Lonchitut -0.748269
Vértiz cheodesico 63913
Cheografía
Cordelera Sistema Iberico
Sierra Sierra d'El Toro
Macizo
Altaria 1.581 m
Primera puyada
Ruta mas fácil
Mapa

Penya Salada ye un vértiz cheodesico de primer grau situau en la sierra d'el Toro entre los termins municipals d'Abechuela (Teruel) y El Toro (Castellón). La suya versant surueste perteneixe a la provincia de Teruel, pero la suya vertient norte perteneixe a la provincia de Castellón. Muito cerca de penya Salada pasa lo camín entre Andilla (Valencia) y El Toro.

Mapa esquematico de Salada y la suya redolada, texto en castellano.

Cultura tradicional[editar | modificar o codigo]

La cabanyera u cañada real d'Aragón a lo Reino de Valencia pasa por lo vértiz de penya Salada, puyando dende l'ueste dende Montesinos y baixando por lo cerro del Resinero. Muito cerca bi ha bellas neveras pa cullir nieu.

Historia[editar | modificar o codigo]

Se fa mención de penya Salada en bel texto escrito en latín medieval relacionau con las mugas entre las entidaz territorials que siguioron a la reconquiesta.

Lo 22 d'aviento de 1237 lo rei Chaime I d'Aragón fixó las mugas de la villa y castiello d'Andilla, que heba cediu a Eximén Pérez d'Arenós y nombró Salada como un de los termins d'Andilla, latinizau como Salata en acusativo:

volumus et concedimus quod dictum castrum et villam habeat proterminis Vallem de Canales et Salatam, Barchatalbes, Almansa, Ganatallova, Axerim, Alarchota, Agivar, Perdichinos, Alcubla maior.

Lo 18 de marzo de 1239 lo rei Chaime I d'Aragón dio termins a lo concello y villa de Teruel y menciona la Salada como una de las suyas mugas:

Sic incipit a flumine de Guadalaviar et vadit cerro ad turrim de La Cuba que dicitur Serriella; et sicut vadit ad Lossam et ad sumum de Cutema; et exiit ad la covam de Abenferruz et ad sumum de foz de Cherutea; et vadit ad fontem Sarcosa; et vadit ad sumum de portu de Bexxis de la Salada, cum omnibus almansis; et exit ad foxem de Bexxis; et donat per cerrum in turre de talaia de Bexxis et exit ad turrim de la coba de Xerica et de ipsa in sursum.

En chulio de 1939 estió un de los escenarios de la Batalla de Valencia. Por la suya cima pasaba la linia XYZ de l'Exercito Popular Republicano. Esta linia estió una linia defensiva que no podió travesar lo exercito sublevau.

En la decada de 1970 i estableixioron una base de comunicacions de lo exercito de tierra.

Vinclos externos[editar | modificar o codigo]