Peirons d'Aśoka

De Biquipedia
Ir ta: navego, busca
Lipi d'Aśoka en Vaishali.

Os peirons d'Aśoka u lipi son peirons decoratos con fins propagandisticas que fan a suya aparición baixo o reinato d'Aśoka en a India en o sieglo III aC. Son una d'as primeras manifestacions artisticas duraderas de l'arte indián por estar de piedra.

A denominación lipi en tiempos d'Aśoka parix relacionata con a denominación en persa (dipi) diferent d'as denominacions en as luengas indoarias actuals. Un pilar de fusta (y por extensión un peirón) ye en a simbolochía hindú un puent entre o divín y l'humán, concentran as corrients enercheticas de l'universo y potencian totz os rituals machico-relichiosos. Aśoka lis dió un contenito budista, politico y propagandistico.

Os més famosos son esculpitos en una piedra d'arena fina de tono ivorenco (a millor d'a India provién d'as pedreras de Chunar, en Uttar Pradesh), pulimentata pareix alabastro. Ixos peirons pueden tener una base. O cabalto puet estar un vertiz, por o que o diametro se da menor asinas como se puya. En a parte inferior, a una altura que se i puet leyer ye o edicto. Bi ha un enorme chapitel en forma de flor de loto cerrata y invertita sobre o que descansa una losa circular que soporta a un animal. O eixemplo més famoso y difundito de lipi ye o de Lipi de Sarnath, (lugar d'o primer sermón de Buda). Fue o simbolo d'o Imperio Maurya, y tamién d'a India actual, Jawaharlal Nehru lo trigó como simbolo d'a India independient (por no haber-ie que estos dos intes d'unificación y independencia india).