Peironela d'Aragón

De Biquipedia
Ir ta: navego, busca
Peironela d'Aragón
Reina d'Aragón y contesa de Barcelona
PetronilaAragonska.png
A reina Peironela

1157-1164
Predecesor Remiro II
Succesor Alifonso II

Naixencia 29 de chunio de 1136
Siñal d'Aragón.svg Uesca (Reino d'Aragón)
Muerte 15 d'octubre de 1173
Siñal d'Aragón.svg Barcelona (Condato de Barcelona)
Pai Remiro II d'Aragón
Mai Agnés de Piteus
Sinyal Signun Regis Peronella d'Aragón.svg
Signum Regis de Peironela

Peironela d'Aragón[1] (Uesca, 29 de chunio de 1136 - † Barcelona, 15 d'octubre de 1173) estió reina d'Aragón entre 1157 y 1164 y contesa de Barcelona entre 1162 y 1164. Yera filla de Remiro II o Monche y Agnés de Piteus.

Peironela con Remón Berenguer.

Naxió de Uesca o día 29 de chunio de 1136. Un anyo dimpués se sinyan en Balbastro as capetulacions matrimonials con o conte de Barcelona Remón Berenguer IV. Ramiro II dició as condicions que estioron acceptatas por Remón Berenguer IV. D'ista traza s'estraliaban os poblemas de succesión en o reino d'Aragón.

A voda de donya Peironela con Remón Berenguer IV estió tretze anyos mas tardi, en o mes d'agosto de 1150 en Leida, quan a reina tenió a edat t'acomodar-se seguntes o Dreito Canonico, 14 anyatas.

En marzo de 1157 naixió en Uesca o primochenito d'a parella, Remón Berenguer (qui reinará con o nombre d'Alifonso II en honor a Alifonso I), primer rei d'a Corona d'Aragón. O suyos atros fillos estioron: Sancho de Provenza, Pero, Alionor, Remón Berenguer IV de Provenza y Dulcía d'Aragón (casata con Sancho I de Portugal).

Peironela morió en Barcelona o 15 d'octubre de 1173.

Notas[editar | editar código]

  1. En a cronica de Sant Chuan d'a Penya tamién apareixen atras variants graficas como Payronella d'Aragón u Peronella d'Aragón (en catalán). Ana Isabel Lapeña Paúl, «Apéndice III. Ramiro II en la Crónica de San Juan de la Peña», Ramiro II de Aragón: el rey monje (1134-1137), Gijón, Trea, 2008, pág. 298. ISBN 978-84-9704-392-2. Vid. Carmen Orcástegui Gros (ed. lit.), Crónica de San Juan de la Peña (Versión aragonesa),Cuadernos de Historia Jerónimo Zurita, 51-52, Zaragoza, Institución «Fernando el Católico», 1985, págs. 419-569. Cfr. p. 471, n. 84 «avía una filla avida de la reyna, nombrada Peyronela»; pp. 472-3, n. 89-90 «Et don Alfonso de Castilla mudó el nombre a dona Peyronela e fizolo clamar Urraca» u p. 490, n. 4.

Referencias[editar | editar código]


Predecesor:
Remiro II
Reina d'Aragón
1157 - 1164
Succesor:
Alifonso II