Pedro Laín Entralgo

Pedro Laín Entralgo
Información personal
Calendata de naixencia:	15 de febrero de 1908
Puesto de naixencia:	Urreya de Gayén (Aragón)
Calendata de muerte:	5 de chunio de 2001
Ocupación:	Medico, Escritor

Pedro Laín Entralgo, (Urreya de Gayén, Baixo Martín, 15 de febrero de 1908 - Madrit, 5 de chunio de 2001) estió un eedico y escritor urreyán. Cautivó a historia y l'antropolochía medicas. L'Instituto d'Educación Secundaria d'a comarca d'o Baixo Martín leva o suyo nombre.

Biografía

Estudeyó en a Universidat de Valencia, on obtenió por examen una plaza de colechial-becario en l'actual Colegio Mayor San Juan de la Ribera de Burchazot, alavez dito Colegio del Beato Juan de Ribera.

Chunto a Dionisio Ridruejo fundó en 1941 a Revista Escorial. Esta revista representaba o esprito més liberal dentro d'a Falange. Se pretendeba recuperar lo que fuese recuperable d'o mundo intelectual anterior a la Guerra Civil Espanyola, pa rematar con a pobreza d'o mundo cultural d'a postguerra, dominato por l'oscurantismo catolico y poco ubierto a ideyas nuevas. Doctor en Medicina y licenciato en Sciencias Quimicas, ocupó a catedra de Historia d'a Medicina d'a Universidat Complutense de Madrit, y n'estió retor mientres Joaquín Ruiz-Giménez Cortés estió menistro d'Educación, dimitindo dimpués d'os escaicimientos de 1956.

Estió miembro d'a Real Academia Española (estando-ne director), d'a Real Academia Nacional de Medicina y d'a Real Academia de la Historia.

En 1989 recibió o Premio Prencipe d'Asturias de Comunicación y Humanidatz, Acta d'o churado d'o Premio Prencipe d'Asturias de Comunicación y Humanidatz de 1989 y en 1991 o V Premio Internacional Menéndez Pelayo.

Poco enantes d'a suya muerte recibió con ilusión a noticia que o Instituto d'Educación d'o Baixo Martín (que se fació en Íxar, lugar a lo norte d'Urreya de Gayén), prenió o nombre d'a suya presona como denominación oficial.

Vinclos externos

• (es) Biografía de Pedro Laín en a pachina web d'os Premios Prencipe d'Asturias.